春宵

营业中

休息中

朋友介绍呢一间叫「春宵」嘅餐厅，餐厅嘅打边炉非常好味，食材绝对新鲜，汤底又原汁原味，一定要试吓！餐厅总共有五款汤底选择，胡椒猪肚汤，鸳鸯锅底（台式麻辣鸭血锅，鲍鱼花胶鸡汤）、（四川麻辣锅，招牌滋阴补身鸽子汤），鲍鱼花胶鸡汤，招牌滋阴补身鸽子汤。😋拣咗呢个胡椒猪肚汤饮落去暖笠笠又开胃，汤底入面嘅猪肚非常多，弹牙爽脆好好味。用嚟打边炉食材更鲜甜。😋济洲猪腩肉肥瘦均匀，猪腩肉够新鲜，食落去非常鲜甜，口腔充满甘香嘅味道。😋潮汕手切牛吊龙，牛肉片红卜卜极度新鲜，吊龙肉带有少少油脂，唔会太油，食多啲都唔怕，仲可以补充铁质。肌肉比较多食落去好鲜甜。😋蛏子皇大大条，肉质爽脆又鲜甜，点上自己调制嘅酱汁味道更丰富。😋萝卜片清甜冇喳非常好味。