La Moo Moo' s Steak and Fries

营业中

休息中

今日去咗之前试过嘅一间楼上餐厅，整体感觉几好几抵食，值得再次分享。首先系前菜，有沙律同埋汤。凯撒沙律够健康，配上芝士碎同香脆嘅面包糠，口味唔会太淡。蕃茄汤，用新鲜蕃茄煮成，味道清新，够晒开胃。当然唔少得餐包，外面少少烘过，脆脆地，里面又够软熟。主菜我哋拣咗牛扒同埋黑松露意粉，配菜就拣咗薯条同薯蓉，呢度最正系可以无限refill 配菜，唔怕唔够食。薯蓉非常creamy。230 gram安格斯平铁牛扒，我叫咗五成熟，厨师嘅手势非常好，做到外面焦香，同时入面仲系好幼嫩。点埋阿根廷青酱，别有一番风味。意大利黑松露蘑菇意粉，蘑菇嘅份量够多，黑松露同橄榄油香气浓郁，食完都令人回味，最后仲用黑松露酱嚟沾薯条，非常惹味，系一个意外惊喜。饮品方面叫咗冻柠茶同冻柠水，一路饮一路食追加嘅薯条。