味角 (已搬遷) 新店位置

蓝屋特色餐厅蓝屋都算系古迹，所以系蓝屋既餐厅食中午都几特别。细细个铺位，位唔多，平日中午都几多人，好彩我算早黎，仲有位。个餐牌都几吸引，特别系唔洗再饮咖啡或茶真系成件事都健康晒！我叫左个生姜烧牛肉饭，牛肉几好，有少少姜味，仲可以自己加烧汁，云耳有少少酸酸甜甜，成个饭个味好夹，真心唔错仲有面豉汤几好味。野饮叫左蜂蜜绿茶🍵好清甜好健康。$58 有呢个质素真系唔差！不过少少美中不足系因间铺位比较细，食紧既时候不停有人等位，所以都唔好意思慢慢食。