影片
更多
2024-08-26
94 浏览
必食新鲜刺身·串烧炸物·石锅饭1. 刺身盛合5点刺身5点分别有三文鱼、赤吞拿鱼、牡丹虾、鲜带子、油甘鱼，各款4片。每款刺身都新鲜到不得了，鱼肉好滑，而且摆盘好靓！🌟 评分: 8.5/102. 蟹肉牛油果卷蟹肉和牛油果嘅组合真系绝配，口感丰富，味道鲜美。🌟 评分: 8/103. 野菜天妇罗盛合天妇罗炸得金黄酥脆，但唔会油腻，而且炸粉唔厚重，即叫即炸，食材都好新鲜。🌟 评分: 8.5/104. 炸猪扒炸猪扒外脆内嫩，肉汁丰富，真系好香口！仲可以拣配炸猪扒酱汁或者沙律酱一齐食。🌟 评分: 8.5/105. 明太子烧鱿鱼明太子酱好香，鱿鱼烧得刚刚好，唔会太韧，真系好惹味！🌟 评分: 9/106. 芝士厚玉子玉子卷一咬落去有层厚厚的浓郁芝士，蛋和芝士融合一齐，真系好滋味！🌟 评分: 9.5/107. 清酒煮蚬蚬肉全部都非常新鲜大只，诚意十足！无咩酒味，汤好清甜味美！🌟 评分: 8.5/108. 上汤扬豆腐豆腐外脆内软好嫩滑，同埋个皮好薄，上面有d木鱼花，好正！🌟 评分: 8/109. 串烧: 鸡中翼、鸡肉京葱串、牛肉卷灵芝菇采用自家师傅的人手烤制，每款串烧都有阵炭香，食材原汁原味。鸡中翼外层金黄
必食新鲜刺身·串烧炸物·石锅饭
1. 刺身盛合5点
刺身5点分别有三文鱼、赤吞拿鱼、牡丹虾、鲜带子、油甘鱼，各款4片。每款刺身都新鲜到不得了，鱼肉好滑，而且摆盘好靓！
🌟 评分: 8.5/10
2. 蟹肉牛油果卷
蟹肉和牛油果嘅组合真系绝配，口感丰富，味道鲜美。
🌟 评分: 8/10
3. 野菜天妇罗盛合
天妇罗炸得金黄酥脆，但唔会油腻，而且炸粉唔厚重，即叫即炸，食材都好新鲜。
🌟 评分: 8.5/10
4. 炸猪扒
炸猪扒外脆内嫩，肉汁丰富，真系好香口！仲可以拣配炸猪扒酱汁或者沙律酱一齐食。
🌟 评分: 8.5/10
5. 明太子烧鱿鱼
明太子酱好香，鱿鱼烧得刚刚好，唔会太韧，真系好惹味！
🌟 评分: 9/10
6. 芝士厚玉子
玉子卷一咬落去有层厚厚的浓郁芝士，蛋和芝士融合一齐，真系好滋味！
🌟 评分: 9.5/10
7. 清酒煮蚬
蚬肉全部都非常新鲜大只，诚意十足！无咩酒味，汤好清甜味美！
🌟 评分: 8.5/10
8. 上汤扬豆腐
豆腐外脆内软好嫩滑，同埋个皮好薄，上面有d木鱼花，好正！
🌟 评分: 8/10
9. 串烧: 鸡中翼、鸡肉京葱串、牛肉卷灵芝菇
采用自家师傅的人手烤制，每款串烧都有阵炭香，食材原汁原味。鸡中翼外层金黄色，单骨食起嚟都好方便。一层鸡肉包一大扎香葱，口感丰富。灵芝菇好多汁，金菇爽口，牛肉烟韧多汁。
🌟 评分: 8.5/10
10. 石头锅饭: 牛肉石头烧饭 / 生姜豚肉石头烧饭
拌饭底部有啲饭焦，牛肉鲜嫩，炒猪肉好香浓、配菜有红萝卜、豆芽菜和蒜味鲜香菇，色彩鲜艳。
🌟 评分: 8/10
11. 海盐荔枝梳打
荔枝好香甜，底部有d海盐既咸味，融合一齐又好match好新颖。
🌟 评分: 9/10
12. 柚子梳打
柚子味好浓郁，而且唔会太甜，真系好清新！
🌟 评分: 8.8/10
13. 日落黄昏 cocktail
呢杯cocktail真系好靓，而且味道好香甜，酒味唔会太浓，好岩女士们饮。
🌟 评分: 8.5/10
14. 波萝杏子酒
波萝同杏子嘅味道好夹，而且酒味唔会太浓，真系好易入口！
🌟 评分: 8.5/10
🎖️整体评分🎖️
❤️ 味道: 8.5/10
🧡 环境: 9/10
💛 服务: 9/10
💙 性价比: 8/10
📍 一游 (湾仔)
湾仔皇后大道东183号合和中心3楼320-321号铺
张贴
