小瑪哥米線

营业中

休息中

难得约咗朋友圣诞出嚟玩天气冻冻哋，就一齐去试呢间小玛哥米线🍜主菜方面，我叫咗碗金牌小锅汤米线，我本身唔食得好辣，但呢碗金牌米线辣度啱啱好，微酸辣得嚟又惹味😋 我叫咗两个𩠌，白菜饺皮薄饀靓，猪肉好好食，配搭埋白菜一流呀！另外我叫咗鱼豆腐，一啲都唔硬，仲非常之弹牙爽口！我朋友就叫咗碗猪骨清鸡汤米线，佢话猪骨鸡汤味浓好饮！佢就叫咗四个𩠌，有肥牛、豆卜、白菜饺同辣腩肉，佢俾咗啲𩠌我试，肥牛同腩肉肉质鲜嫩，豆卜一食直头爆汁添，好正呀😋小食方面，我哋叫咗两款凉菜，宫廷酱茄子好入味呀，沾满酱汁嘅茄子入口即融🍆 金蒜油拍青瓜食落清清地，间住其他𩠌菜食一流呀🥒 另外我哋仲叫咗红油水饺，一共有6只，但比起小锅米线一啲都唔辣，啱哂我！饮品方面，我叫咗杯热云南黑糖红枣姜茶、朋友叫咗杯热清润菊花蜜，两杯饮品都热辣辣，饮完暖笠笠☕️☕️ 最欣赏呢间餐厅所有食物都好食之余，食完完全唔口干无味精，一流！