影片
更多
2017-02-15
356 浏览
原汁牛筋面 $55 落单后不足3分钟，牛筋面已经以迅雷不及掩耳既速度上枱，咁短时间连杯面都未渌好，小王就已经煮好一碗牛筋面，令人佩服食店既效率，仲快过快餐店，又或者系因为前期准备工夫做得足？牛筋面既卖相非常普通，店员用匙羹盛著带辣的酸菜搁在碗边。碗中大约有5块大小不一的牛筋，食落也是软硬不一，有啲牛筋腍到入口即溶，有啲好似橡筋咁有嚼劲，味道清淡无乜牛味。面底方面可选粗面或幼面，图中为幼面，3分钟上得枱既面条食落竟然偏软，令人遐想。值得一赞既系，呢碗来自高雄既汤底味道与港式茶记或粉面店食到既腩汁汤底截然不同，入口有一阵香浓的药材味道，其中以八角和当归最为突出，以中药汤底配合牛筋面，充满宝岛风味。 台式炸酱面 $45 炸酱面以一只的骰既小碗装住，粗身既面条带点厚度，食落烟韧似刀削面。炸酱(正常)偏甜，欠缺了浓郁既咸香，食客要用少少既炸酱送一兜白灼面，需要良好既分配能力，否则后半部份只能品尝面条既麦香。作伴既青瓜丝食落清新爽口，为单调的酱+面带来色彩，亦令炸酱更清淡。 卤猪大肠 $40 一共有9段猪大肠，如图所见，脂肪酿满了大肠，食落只有咸味而无卤水味，即使点汁亦难以遮盖自身既
落单后不足3分钟，牛筋面已经以迅雷不及掩耳既速度上枱，咁短时间连杯面都未渌好，小王就已经煮好一碗牛筋面，令人佩服食店既效率，仲快过快餐店，又或者系因为前期准备工夫做得足？
牛筋面既卖相非常普通，店员用匙羹盛著带辣的酸菜搁在碗边。碗中大约有5块大小不一的牛筋，食落也是软硬不一，有啲牛筋腍到入口即溶，有啲好似橡筋咁有嚼劲，味道清淡无乜牛味。面底方面可选粗面或幼面，图中为幼面，3分钟上得枱既面条食落竟然偏软，令人遐想。值得一赞既系，呢碗来自高雄既汤底味道与港式茶记或粉面店食到既腩汁汤底截然不同，入口有一阵香浓的药材味道，其中以八角和当归最为突出，以中药汤底配合牛筋面，充满宝岛风味。
原汁牛筋面
$55
26 浏览
0 赞好
0 留言
炸酱面以一只的骰既小碗装住，粗身既面条带点厚度，食落烟韧似刀削面。炸酱(正常)偏甜，欠缺了浓郁既咸香，食客要用少少既炸酱送一兜白灼面，需要良好既分配能力，否则后半部份只能品尝面条既麦香。作伴既青瓜丝食落清新爽口，为单调的酱+面带来色彩，亦令炸酱更清淡。
台式炸酱面
$45
36 浏览
0 赞好
0 留言
一共有9段猪大肠，如图所见，脂肪酿满了大肠，食落只有咸味而无卤水味，即使点汁亦难以遮盖自身既「原味」。因为上枱时已经系室温，食左一两旧，碟底既汁已经被一层霜白既油脂冰封，又唔敢请店员翻热，情何以堪？
卤猪大肠
$40
8 浏览
0 赞好
0 留言
张贴
