鮨月 (已結業)

日／月／星街，湾仔一个几有意思嘅地方。细细地一个内街有唔同店铺同餐厅，街名又几顺口。今日放工跟朋友经过谂住饮返杯，但见鮨月间日本料理店几吸引就入左去晚餐一番。简简单单食个厨师发办，唔使烦。福冈蕃茄伴青森沢蟹。蕃茄切片后伴上酒醋几开胃。而沢蟹炸到脆卜卜再洒上椒盐，一啖摆入口连壳都食埋。田螺配鰝参鱼刺身。鰝参鱼切得好薄晶莹剔透，沾上柚子酱油更能提升鲜味。食落爽口有鱼味。田螺煮得都好入味，轻轻一拧就取出螺肉。对比鱼肉佢更结实，但酱香味丰厚，都唔错。日本厚岸蚝。成只手掌咁大，蚝身饱满有弹性。入口先有少少海水咸味但好快就俾蚝肉嘅奶甜味盖过。整体金属味不重，蚝胆奶滑甘甜，裙边都爽脆，好好食。粒贝。肉质爽实咀嚼时会有点点橘子味道，加点山葵及用紫苏包着更能带出贝肉嘅鲜甜，可以不用沾酱油而食。秋刀鱼刺身。师傅以格切形式处理，更能带出鱼嘅香味及清走细微鱼骨。因为属于秋季当造鱼，所以油香味好丰富一点都唔腥。最钟意系配上紫苏一齐食。赤身及中拖罗。两款都好厚切，赤身鱼味好重又腍。一啖入口好滋味。而中拖罗油脂都好丰富，除咗鱼味够，油香亦好突出。笛鲷／金时鲷。两者肉质都偏腍滑弹牙，分别配以橘柚酱及梅子酱配搭，将鱼鲜