美味苑

营业中

休息中

朋友带我今晚去食佢推介嘅功夫菜餐厅。餐厅系喺西营盘嘅美味苑，已经经营逾20年。佢哋嘅大厨系以前中环镛记嘅大厨。餐厅没有花巧嘅门面，但见到佢哋贴满晒同明星嘅合照，连赌王四姨太，明西厨Ricky Cheung, 马家开饭等等都系座上客。 糯米鸡：当我哋点呢个糯米鸡嘅时候，职员话如果赶时间就唔好点呢个，因为即点即制，至少都要半个钟以上先至做好。既然嚟得食功夫菜，就预咗要时间，我哋梗系嗌啦。嚟到果然名不虚传，职员帮我哋即场切开炸到金黄色嘅鸡，鸡皮做到「脆」「薄」，切开嘅时候系「沙沙沙」脆卜卜嘅声音。入边嘅鸡肉依然嫩滑。而酿系已经起骨嘅鸡入边嘅生炒糯米饭，亦都做到粒粒分明，腊味惹味。杏汁白菜猪肺汤：份量足以够四个人分。杏汁系用新鲜嘅杏仁即制，杏仁味浓。猪肺冇干净冇异味，口感爽弹。烧汁鳝球：一客有七件大大嘅鳝球。鳝肉新鲜，爽口弹牙，烧汁再加上洋葱够晒惹味，送饭一流。镇江香醋浸皮蛋：剁碎并用糖腌咗嘅姜粒，铺喺糖心皮蛋上面，再加埋镇江香醋，好开胃嘅前菜小食。佢哋仲有好多唔同嘅功夫菜可以预订，例如佛跳墙，八宝鸭，猪肚包鸡，蛇宴等等。依家肯做手工菜嘅粤菜馆买少见少，一定要支持吓。