影片
更多
2024-02-02
75 浏览
呢间系九龙湾新开分店，之前去过朗豪坊试过唔错，今日一于嚟新店试吓。去到好在仲有一张枱，我哋两人点了两个饭，再加个蛋饼一齐share。犇之四热卤饭 （牛筋肉，牛肚，百页豆腐，唐生菜）$78呢个饭是九龙湾分店限定，味道有惊喜，牛筋肉几淋好有骨胶原，牛肚大大件又爽口，个卤水好香，唔会太咸，好入味。连同d百页豆腐一齐食，越食越好开胃。另外，唐生菜爽口，吸入卤水汁超正。人气葱抓蛋饼（奶油芋泥、肉松、起司）$62呢个葱抓蛋饼外层煎得几香口，入面爆馅，奶油芋泥软滑creamy，起司、肉松比例适中，劲拉丝，咸咸甜甜每啖都美味十足。眷村懐旧排骨卤肉饭$78件台湾排骨几大件，炸得好香脆，肉质腍又唔会太油， 赞。个卤肉饭惹味唔会太咸，配埋d粟米，腌萝卜同红酸姜，用嚟配排骨都几好味。呢度好多台湾小食，下次再来可试下点一个饭再加多几款小食，应该都会好满足。
犇之四热卤饭 （牛筋肉，牛肚，百页豆腐，唐生菜）$78
呢个饭是九龙湾分店限定，味道有惊喜，牛筋肉几淋好有骨胶原，牛肚大大件又爽口，个卤水好香，唔会太咸，好入味。连同d百页豆腐一齐食，越食越好开胃。另外，唐生菜爽口，吸入卤水汁超正。
人气葱抓蛋饼（奶油芋泥、肉松、起司）$62
呢个葱抓蛋饼外层煎得几香口，入面爆馅，奶油芋泥软滑creamy，起司、肉松比例适中，劲拉丝，咸咸甜甜每啖都美味十足。
眷村懐旧排骨卤肉饭$78
件台湾排骨几大件，炸得好香脆，肉质腍又唔会太油， 赞。个卤肉饭惹味唔会太咸，配埋d粟米，腌萝卜同红酸姜，用嚟配排骨都几好味。
呢度好多台湾小食，下次再来可试下点一个饭再加多几款小食，应该都会好满足。
张贴
