黑布小巷

营业中

休息中

呢间隐世小店，行广华街无意发现，在门口见到系台湾料理，价钱又亲民，吸引到我哋即刻入去试吓啦～入到店内，装修以日式简约风格设计。这里以台式轻食为主，主打台式吐司、台式传统蛋饼、牛肉面、手工卤肉便当以及台式小食和自家制三色圆糖水等等嘅台式料理。慢烤鸡髀肉卤肉便当    $87手工即叫即整嘅便当，食材新鲜又丰富。卤肉味道香浓，鸡髀肉好入味，卤水味唔会过咸，内里煮得软嫩有肉汁，加埋粟米、流心蛋、酸菜同白饭系一个丰富嘅便当，越食越滋味。芝士呑拿鱼粟米蛋饼    $48口感超丰富嘅蛋饼，每一啖都令人回味。份量好足，里面好多馅料，溶溶嘅芝士与呑拿鱼同粟米完美地融合系一齐，实在系好好食。甜不辣   $38大大块嘅甜不辣，再沾住甜甜地嘅酱汁，滋味十足。食落口烟烟韧韧得嚟又饱足，真系唔错。西柚绿茶 $38、巨峰梳打 $38 及 跟餐 +$18 水蜜桃乳酸梳打，三款饮品都透心凉，味道清甜，口感好fresh，非常解渴。