影片
更多
2024-12-18
1029 浏览
过到嚟上环嘅海港政府合署搞啲文件，返公司途中经过IFC，睇见呢一家主打卖冬甩嘅新店「Pinky Bakery」好吸引，之前晌铜锣湾就过佢哋嘅Pop-Up Store。咁就不如买啲返去跟同事一齐下午茶，当喺慰劳吓大家早排搞掂几个项目。店舖细细一眼睇晒，两组饼柜就显示晒所有烘焙产品，一排排整齐排列，加上灯效，颇为吸晴。当中包括有冬甩、迷你冬甩、贝果包、酸种面包、牛角酥……等等，望上去确喺非常吸引。难得依家仲有买3送1优惠嘛！纸盒包装，刚刚好装到4个大冬甩，盒面除咗有店名、招牌妹妹个样之外，晌盒边更印有店家产品嘅特点：新鲜人手制作、无添加、无防腐、天然食材、本地香料，以及采用日本面粉。所以，食得健康之余，更有份信心晌度。朱古力花生酱冬甩 $48冬甩外层有近一半沾上黑朱古力浆，仲黐咗少少花生粒，咬落去朱古力味都好香浓，而里面嘅花生牛油酱软浆好软滑，满满花生香，又无过甜嘅问题。咖啡冬甩 $48睇样就平平无奇，不过，佢哋啲冬甩咬落去真喺好软熟，揿落去回弹力十足，而里面超过一半空间都喺咖啡浆，口感滑溜，好醇香咖啡味，衬杯咖啡真喺一流。抹茶冬甩 $48呢个好搞笑，晌个唧浆嘅窿位塞咗粒QQ嘅麻薯，纯粹都
店舖细细一眼睇晒，两组饼柜就显示晒所有烘焙产品，一排排整齐排列，加上灯效，颇为吸晴。当中包括有冬甩、迷你冬甩、贝果包、酸种面包、牛角酥……等等，望上去确喺非常吸引。难得依家仲有买3送1优惠嘛！
纸盒包装，刚刚好装到4个大冬甩，盒面除咗有店名、招牌妹妹个样之外，晌盒边更印有店家产品嘅特点：新鲜人手制作、无添加、无防腐、天然食材、本地香料，以及采用日本面粉。所以，食得健康之余，更有份信心晌度。
朱古力花生酱冬甩 $48冬甩外层有近一半沾上黑朱古力浆，仲黐咗少少花生粒，咬落去朱古力味都好香浓，而里面嘅花生牛油酱软浆好软滑，满满花生香，又无过甜嘅问题。
咖啡冬甩 $48睇样就平平无奇，不过，佢哋啲冬甩咬落去真喺好软熟，揿落去回弹力十足，而里面超过一半空间都喺咖啡浆，口感滑溜，好醇香咖啡味，衬杯咖啡真喺一流。
抹茶冬甩 $48呢个好搞笑，晌个唧浆嘅窿位塞咗粒QQ嘅麻薯，纯粹都喺方便做个印记。里面同样填满抹茶软浆，𠮶阵抹茶味非常之浓郁幽香，绝对喺抹茶控嘅最佳之选。
海盐焦糖冬甩 $48讲到卖相，应该最突出就喺呢一款海盐焦糖冬甩，成个冬甩面面铺咗一层焦糖镜面，闪闪𫞠，可能天气冻，咬落去脆得嚟有少许硬，而里面嘅焦糖软浆就好正。
虽然卖到$48一件确喺唔平，但作为一件高质素嘅西式甜点，又唔可以话贵，最紧要喺大家食得开心，大家又好欣赏。
张贴
