川粤時空時尚小廚

营业中

休息中

今日同朋友去觀塘整手作，整完之後去咗巧運工業大廈一樓食晚餐🧆。餐廳主打川粵小菜為主，環境以復古風格為主，好有特色。冰鎮秋葵，翠綠色嘅冰鎮秋葵，加上鮮紅色嘅口水辣汁，顏色非常靚，賣相好吸引。秋葵爽脆充滿秋葵獨有嘅水份，沾上又香又辣嘅口水辣汁，清爽得來又帶滋味，一陣就俾我哋掃晒😋涼拌青瓜 🥒又一份清爽嘅瓜菜，紅綠色嘅配搭令人好開胃，青瓜真係一樣有咬口嘅水，成條都係水份，結實而又爽脆嘅口感令人食上癮。川香回鍋肉，呢個回鍋肉豬肉片肥瘦平均，豬皮部份跟充滿膠原蛋白，鮮味十足非常好食，仲加咗青椒，紅椒和洋蔥配以川味將一齊炒。又香又辣嘅味道令人回味無窮。時尚小炒肉，呢個小炒肉用新鮮紅辣椒，青辣椒，豆豉，洋蔥和蔥一起爆炒，上枱已經聞到非常香。豬肉片非常新鮮，配上各種香料菜一齊炒，送飯首選。