溏串小町 (已結業)

今日突然间想食日本野，所以就约咗好耐无见嘅朋友去开饭。😋牛油果软壳蟹卷 ($92/8件) : 非常足料嘅卷物，酱汁同蟹籽铺满整个卷物，而且卷物嘅外面用咗昆布包住，卖相几有特色。牛肉寿喜锅 ($98) : 材料相当丰富，有肥牛、鸡蛋、生菜、金菇菜、豆腐、南瓜、冬菇、粉丝等等，汤底味道清甜最适合配白饭。酱烧猪颈肉($54) : 猪颈肉外层焦香而且散发出阵阵酱油味，内里肉嫩多汁。蒜香火炙三文鱼丼 ($82) : 三文鱼经过火炙后油香满溢，入口丰腴肥美，同时带来「外熟内生」嘅口感，鱼油渗入丼饭之中真系难以抗拒。