棋子燒鵝 (金馬倫道)

营业中

休息中

出外旅游回港，终于可以去食最挂住嘅港式烧味啦！闺蜜推介尖沙咀金马伦道棋子烧鹅，咁就一于拣佢啦。两个人叫咗一个二人餐，包括：烧鹅例牌一碟、烧味例牌一份、 油菜一碟，另外，每人可以拣饭、河粉、米粉或者濑粉 一碗。烧鹅肥美甘香， 滋味无穷。烧腩仔皮脆肉滑，非常香口。叉烧肥瘦适中，滑得嚟又有咬口。油菜系菜心，新鲜腍甜。另外，仲有老火例汤两碗，是日例汤系花生鸡脚眉豆汤，真材实料，火候十足，非常美味。两个人连食𩠌都食唔哂，已经好饱，为免浪费，濑粉同米粉打包返去慢慢叹，估唔到两人餐咁抵食，大满足！