叄嵐日本燒鳥串燒居酒屋 (已結業)

同朋友出街，一个就钟意日本料理一个就钟意串烧，想两全其美就拣咗依间餐厅，又有得饮日本酒又有得食美味嘅烧烤串🤤烧海虾好鲜味肉质弹牙又唔霉，烧嘅时候净系用咗海盐，食落非常原汁原味。牛油扇贝好大粒蒜蓉同牛油味够浓，扇贝肉质嫩滑多汁，系最爱之选。辛辣味牛油扇贝同样蒜蓉同牛油味够浓，仲渗出淡淡的香辛味道，好吃。烧茄子有成大半条，茄子肉烧得好透好软绵，蒜蓉超多极重口味，依个系食串烧必点嘅小食。鸡全翼烧到皮脆肉嫩，仲要好多汁，热辣辣放入口，一咬就爆汁真系好过瘾。大啡菇烧到好香口，咬落去好多汁，无乜草青味。鸡胸肉烧到岩岩好，出奇地唔太嚡口，仲要几多汁下㗎，鸡胸肉好有惊喜。烧菠萝，多汁嘅菠萝经过烧烤过，更加香甜而且更加多汁。鲭鱼皮脆肉嫩滑，令人食个不停。