影片
更多
2014-02-08
2680 浏览
同朋友farewell, 提早用wtsapp订枱, 由于人数较多, 要先比$500订金。店主先将menu send左比我, 可以拣左野食先, 都几多dish系要预订。环境唔错，昏暗黄灯，几warm既土耳其feel。地方唔大, 当日除左我地9个，重有一枱6人同4人，已经坐满成间餐厅。如果唔book左先, 都几大机会冇位。餐前小食有印尼虾片，好厚，有Ｄ硬，味道唔错。牛油果奶昔：几fresh既牛油果香, 重有未打烂哂既牛油果，奶味有点过重,淡返少少可以令牛油果味更出。有椰糖提供(糖浆同个樽都系冻嫁, 好细心), 唔够甜可以自己落加多加多：有虾片，青瓜，蛋，薯仔同菜，食物好普通，精髓系加多加多汁，有Ｄ似沙嗲，比沙嗲甜Ｄ，有花生碎喺入面，好好食 巴东牛肉：招牌菜，老板娘介绍时话会好辣，可以配埋青瓜同蕃茄一齐食，如果真系顶唔顺可以比牛奶我地。又冇想像中咁好食同咁辣，个人觉得羊肉串个肉整得好Ｄ。同行朋友觉得有D筋,可以咬下，大赞好好食。免费任食白饭，可以叫 extra 加多加多汁，沙嗲汁同巴东汁送饭。唔知点解另上既巴东汁同牛肉个巴东汁唔同，辣左，浓左，送饭一流！！！香草乳酪鸡：相对其他菜式有点失
环境唔错，昏暗黄灯，几warm既土耳其feel。地方唔大, 当日除左我地9个，重有一枱6人同4人，已经坐满成间餐厅。如果唔book左先, 都几大机会冇位。
餐前小食有印尼虾片，好厚，有Ｄ硬，味道唔错。
牛油果奶昔：几fresh既牛油果香, 重有未打烂哂既牛油果，奶味有点过重,淡返少少可以令牛油果味更出。有椰糖提供(糖浆同个樽都系冻嫁, 好细心), 唔够甜可以自己落加多加多：有虾片，青瓜，蛋，薯仔同菜，食物好普通，精髓系加多加多汁，有Ｄ似沙嗲，比沙嗲甜Ｄ，有花生碎喺入面，好好食
巴东牛肉：招牌菜，老板娘介绍时话会好辣，可以配埋青瓜同蕃茄一齐食，如果真系顶唔顺可以比牛奶我地。又冇想像中咁好食同咁辣，个人觉得羊肉串个肉整得好Ｄ。同行朋友觉得有D筋,可以咬下，大赞好好食。免费任食白饭，可以叫 extra 加多加多汁，沙嗲汁同巴东汁送饭。唔知点解另上既巴东汁同牛肉个巴东汁唔同，辣左，浓左，送饭一流！！！香草乳酪鸡：相对其他菜式有点失色，味道唔错，但全部都系鸡肉粒，好碎，个汁似唔辣同有乳酩味既咖喱
鸡肉／羊肉沙嗲：羊肉冇膻味，肉质好好,有咬口得黎唔un。沙嗲酱都好好食牛肉薯球：推介 食唔到牛肉，薯仔好滑，唔知系咪落左粉，黏黏地，炸得好香
五香酥：炸腐皮卷包住猪肉碎，配酸酸地黑醋味既汁，还可以
印尼粟米饼：粟米饼可以有几特别？以为会好普通，点知... 几好食㖞! 好多原粒粟米, 连埋粉浆炸,好脆,一D都唔油腻, 个粉有Ｄ似健康版煎蚝饼。茄子薯仔：应该系成晚最唔好食既一道菜。极普通既茄子粒同切成片既薯仔，淋D茄汁同乳酪。茄汁味太出，抢哂乳酪味，变成茄汁点茄子同薯仔。
土耳其烤饼：好好食 就咁食已经好香，同其他酱汁一齐食又系另一番风味。好食到叫多一份。每一块都好薄，份量偏细。黄姜饭：要预订。$58一碗都几贵，份量好细。值得一试，Ｄ饭粒粒分明，好浓黄姜味，感觉好新鲜。
梅尔辛红饭酿烤嫩鸡（要预订）：推介！只鸡先原只上比我地影相 ，之后再拎返入厨房切开。鸡肉好嫩好滑，连鸡胸都唔会嚡，而且好入味。可以加乳酪食，都几特别。饭同黄姜饭好唔同，腍D同湿D，另一种感觉，好好食，好惹味。美中不足系食到最后好咸。只鸡本来下面系沙律 (系咪所有土耳其沙律都落咁多调味料整到咁咸嫁呢?), 饭吸哂D汁搞到好咸。见D野食全部都唔大份，我地9个人分，以为会唔够饱。食到依度已经好饱啦！但几饱都要试埋个甜品！
本来店主介绍我地预订班兰香蕉蛋糕，我又对餐牌上既印尼鲜牛油千层蛋糕同其他甜品有点兴趣，结果决定唔订，到时先算。可惜当日冇土耳其米饭布甸，得芝士雪糕同牛油果雪糕，本来想试既罗望子都冇。下次都系要预订稳阵D。
芝士雪糕：第一次食芝士味。出乎意料地好食 雪糕好滑，好浓芝士味！好似食紧new york cheese cake既雪糕版。牛油果雪糕：都系咁滑，同芝士比清淡好多。唔系好食到牛油果味，反而奶味浓D，不过大家都话虽然冇牛油果味但好好食。有几粒都几大粒既牛油果系入面，真材实料。
最后买左盒土耳其软糖，开心果味一如店主推介唔系好甜，好多开心果粒。但玫瑰味太甜，实在不敢恭唯。
人手唔系好够，全店得3个人，有点慢，但服务态度好好，细心介绍唔同既菜式，为我地添左好多次白饭同酱汁。适合对食物有要求又想倾计既gathering。
张贴
