影片
更多
2024-09-13
1453 浏览
今晚好想打边炉，见成日食四川火锅，今晚想食番啲香港地道打边炉，揾到呢间位于铜锣湾京都广场8楼嘅渔火海鲜火锅，就去试试先。呢间火锅店啲汤底好特别，全部都系餐厅自家煲嘅养颜润喉靓汤底，好似番到屋企饮番呀妈煲嘅靓汤一样，好足料。 👉🏻 花胶响螺炖赤肉 （汤底）花胶释放大量胶质，令到个汤好浓稠，加埋响螺就更加滋阴，而且令到成煲汤更加鲜甜。老板娘更叫我哋饮多两碗靓汤先，才开始打边炉。👉🏻 手切PRIME牛肉老板娘介绍我哋食呢款牛，果然冇介绍错。牛肉雪花纹分布平均，食落真系好有牛味，而且入口即溶，肉质够细嫩。👉🏻 苏格兰蛏子皇老板娘教滚8秒就食得，果然非常鲜嫩爽口，而且够晒弹牙。👉🏻 肥水大花甲花甲全部都好大只，兼且冇沙，肉质肥厚饱满。👉🏻 墨鱼滑拼虾滑墨鱼滑够爽滑兼有弹性，而虾滑又够鲜嫩弹牙。两款索埋啲汤汁，令到肉质更加鲜甜。👉🏻 即炸松脆响铃呢款系我打边炉绝对唔少得嘅响铃，老板娘话佢哋嘅响铃系自己师傅亲自炸，果然冇介绍错，放落汤1-2秒便可食，响铃索咗啲汤汁再加埋少少脆口，食落啖啖都有响铃嘅油炸香气，口感真系好正。👉🏻 自家制竹蔗茅根打边炉除咗叫啤酒降火外，还有老板娘介绍嘅自家制嘅竹蔗茅根，够
呢间火锅店啲汤底好特别，全部都系餐厅自家煲嘅养颜润喉靓汤底，好似番到屋企饮番呀妈煲嘅靓汤一样，好足料。
👉🏻 花胶响螺炖赤肉 （汤底）
花胶释放大量胶质，令到个汤好浓稠，加埋响螺就更加滋阴，而且令到成煲汤更加鲜甜。老板娘更叫我哋饮多两碗靓汤先，才开始打边炉。
👉🏻 手切PRIME牛肉
老板娘介绍我哋食呢款牛，果然冇介绍错。牛肉雪花纹分布平均，食落真系好有牛味，而且入口即溶，肉质够细嫩。
👉🏻 苏格兰蛏子皇
老板娘教滚8秒就食得，果然非常鲜嫩爽口，而且够晒弹牙。
👉🏻 肥水大花甲
花甲全部都好大只，兼且冇沙，肉质肥厚饱满。
👉🏻 墨鱼滑拼虾滑
墨鱼滑够爽滑兼有弹性，而虾滑又够鲜嫩弹牙。两款索埋啲汤汁，令到肉质更加鲜甜。
👉🏻 即炸松脆响铃
呢款系我打边炉绝对唔少得嘅响铃，老板娘话佢哋嘅响铃系自己师傅亲自炸，果然冇介绍错，放落汤1-2秒便可食，响铃索咗啲汤汁再加埋少少脆口，食落啖啖都有响铃嘅油炸香气，口感真系好正。
👉🏻 自家制竹蔗茅根
打边炉除咗叫啤酒降火外，还有老板娘介绍嘅自家制嘅竹蔗茅根，够晒冰冻，兼好清甜润喉，绝对系打边炉嘅最佳良伴。
张贴
