白布烏冬 (荔枝角道) (已結業)

白布乌冬刚开张嘅时候日日都有好多人排队，依加可能热潮稍退，我哋去到嘅时候唔使排队，餐厅入面嘅人都唔多～ 白布乌冬都几大块，质地好滑溜，所以好难夹，尤其沾汁之后就更难，食得有啲狼狈😂 乌冬比想像中厚身，口感比普通乌冬更烟韧😋 虽然一份只有7片白布乌冬，但食完都几饱😂•🥢 冷汁天妇罗白布乌冬 $115呢个餐有两款酱汁，其中一款系芝麻酱，入面加咗芝麻碎，芝麻味好浓，偏竭身，比另外食嘅两款都更易挂喺白布乌冬上面！另一款系冷面酱汁，应该系鲣鱼酱油汤，汤汁本身味道好浓，搭乌冬会淡啲，但鲣鱼汤配乌冬就一向都好夹😛而天妇罗都有5-6件，有1只虾同埋南瓜茄子等，炸皮好薄，亦都唔算好油。•🥢 南蛮curry沾白布乌冬 $86呢款嘅咖喱沾汁系日式咖喱味，味道几浓，唔算好甜，带微微辣～ 汁入面有鸡肉、豆角、葱、洋葱。不过咖喱汁比较稀，似咖喱汤，所以乌冬唔太挂到汁，食落都系比较淡味😬白布乌冬系冻上，但沾落热咖喱汤就令到热汤好快冻咗😢 食到最尾个汤冻晒真系有少少扣分。