呂錦記手撕雞專門店 (筲箕灣道)

营业中

休息中

冇出街，喺屋企食外卖，首先行咗去吕锦记，买咗两盒鸡试下。呢间舖头好似开咗一排，都未试过，见到好多食评都话好食，所以都买来试吓。古法鸡要等10分钟，所以又行咗过去隔离买𢳂𢳂𩠌，买完返嚟啱啱拎得。买咗一盒惹味系列 $60半只惹味系列系手撕鸡，我拣咗天府藤椒，感觉又唔系太过麻辣，味道比较温和，少少麻辣，好香又唔会太过咸，$60好抵食。份量都真系唔少。另外虫草花水晶鸡$88 半只，带到返屋企仍然热辣辣，打开锡纸，啲香味就已经飘出来，佢会俾埋手套，咁我哋就自己将只鸡用手撕开，见到啲鸡肉好滑。食落去好Juicy，虫草花的味道好香。呢间外卖手撕鸡质素唔错，可以长期帮衬。