蝦蝦燒

营业中

休息中

任饮任食放题真系有好多选择，而且又要有多款不同种类食材咁至吸引大家光顾，至于今次聚餐目标之一系食海鲜，就嚟到荃湾大鸿辉中心11楼虾虾烧品尝晚餐，任食放题两个半小时，当然最大卖点系呢度嘅海鲜档，眼见有十多款海产类有鱼同贝类等供应十足，唔少得坐位隔离长长鱼缸放满活生生嘅大头虾，任由大家自由捉虾，慢慢享受气氛十足，先取水桶攞冰同水，再放入生猛大头虾浸晕一阵，先至可以放落炉上烧，系呢个时候行去自助小食区，攞几款前菜同熟食品尝一下，拍青瓜、泰式凤爪，咖喱鱼蛋、辣酒煮螺等食住开胃一下跟住大头虾亦烧熟，食到每啖鲜嫩弹牙肉质同虾膏鲜味十足，大头虾食完再捉又再烧过轮到食海鲜有我最喜欢嘅扇贝、带子同鲍鱼，一边烧一边落埋牛油同蒜蓉烧得份外入味，而且又系任食可以满足晒食欲仲有每人限定一串鳝片，入口肉质肥美饱满皮脆可口有惊喜食完一轮海鲜后仲未完啦，另外自助区内提供50多款口味串烧，有牛肋骨、鸡肉串、菠萝、汉堡扒、肠仔、咖喱鱿鱼同多士等等慢慢叹，食串烧一定要落埋呢度提供4款调味粉，咁样食先够惹味最后系甜品雪糕出场时间，食埋几杯雪糕又品尝完一餐丰富嘅任食海鲜超值放题。