茶舍 (北帝街)

营业中

休息中

今日喺土瓜湾睇完医生，呢头有好多餐厅，所以就决定喺度买埋嘢食先返屋企。其中北帝街转角位间「茶舍」门面几靓㖞，有小清新嘅感觉🌿。开头以为佢系装修靓啲嘅港式茶餐厅，但又唔系啵，佢系新派嘅西式冰室✨，提供嘅食物款式涵盖意粉、薄饼、牛角包、蛋包饭同焗饭等。如果想食镬气小菜或炒粉面就要稍移玉步啊🙈。冬阴功鸡肉披萨($68)，原本对只售60几蚊嘅Pizza无咩期望，但出到嚟超有惊喜🍕😍。薄饼直径大约十吋，饼底薄脆得嚟又唔似饼干咁干噌噌，有啲质感。不过最令我欢喜嘅系馅料层，佢仲厚过块饼皮，劲足料！🧀芝士浓香，富有拉丝效果，另外仲有菠萝同火箭菜。冬阴功味亦系精华所在，辣度同酸味明显，绝对能刺激味蕾。鲜蚬白酒烟肉蒜香天使面($65)，🍝天使面又系惹味之作，蒜香十足，即使无落酱汁，但面条仍然够晒油份，一啲都唔干身。幼身嘅天使面面质弹牙，比起普通意粉好食得多。配料方面，蚬就属正常水平啦，始终偏细只。除此之外，仲有好多烟肉🥓同杂菌🍄，基本上啖啖都食到𩠌。Pasta嘅质素不比正宗西餐厅逊色。南瓜野菌皇烤鸡意大利饭($62)，🍚Risotto份量激多，佢用呢个圆兜装，仲要塞到劲满添！我略嫌意大利饭口感湿少少，但南