影片
更多
2019-10-27
2662 浏览
喺香港冇咩玩，周末除咗行吓山，仲有一家人去食自助餐。大家都知道香港最近咩环境所以好多酒店buffet都做特价，呢间自助餐之前屋企人嚟过话好多嘢食又抵食，所以决定今个星期日下昼就叹返个lunch。Lunch时段系12点到2点半，11点九我哋已经到齐啦，但系要啲厨师准备好先入得我哋俾人安排左坐最近攞嘢食𠮶张枱，开头仲以为啲人行嚟行去会觉得好唔舒服，坐落咗发现其实都唔系，因为同攞嘢食嘅地方其实都有段距离。一开波梗系食个沙律先啦，返香港之后都冇食过SALAMI，今日都系要破戒啦！午餐嘅选择比晚餐少，但系已经够食到饱饱。虽然冇生蚝，但系炸蚝，小龙虾，长脚蟹，虾，青口，都系无限量供应仲好新鲜，争咁只蚝都冇乜嘢姐。寿司俾人清得好快，想影相都系剩返几旧咋。呢度啲荞麦面都几值得推介，有乌冬同埋荞麦面俾你拣，仲有唔同嘅toppings，有芝麻酱、芝麻、蟹柳、葱同埋蛋丝。中式菜𠮶边有中式点心，咖喱鱼蛋，羊肉，炒面等等。最令人深刻就系呢个小炒王，仲好食过我楼下间酒楼啊。饭后就梗系要食甜品啦！呢度啲甜品多不胜数，雪糕仲喺Häagen-Dazs，有云呢拿朱古力同埋曲奇味！仲有各式各样嘅蛋糕仔添！之后仲有生果，有菠
Lunch时段系12点到2点半，11点九我哋已经到齐啦，但系要啲厨师准备好先入得
我哋俾人安排左坐最近攞嘢食𠮶张枱，开头仲以为啲人行嚟行去会觉得好唔舒服，坐落咗发现其实都唔系，因为同攞嘢食嘅地方其实都有段距离。
一开波梗系食个沙律先啦，返香港之后都冇食过SALAMI，今日都系要破戒啦！
午餐嘅选择比晚餐少，但系已经够食到饱饱。虽然冇生蚝，但系炸蚝，小龙虾，长脚蟹，虾，青口，都系无限量供应仲好新鲜，争咁只蚝都冇乜嘢姐。
寿司俾人清得好快，想影相都系剩返几旧咋。
呢度啲荞麦面都几值得推介，有乌冬同埋荞麦面俾你拣，仲有唔同嘅toppings，有芝麻酱、芝麻、蟹柳、葱同埋蛋丝。
中式菜𠮶边有中式点心，咖喱鱼蛋，羊肉，炒面等等。最令人深刻就系呢个小炒王，仲好食过我楼下间酒楼啊。
饭后就梗系要食甜品啦！呢度啲甜品多不胜数，雪糕仲喺Häagen-Dazs，有云呢拿朱古力同埋曲奇味！仲有各式各样嘅蛋糕仔添！
之后仲有生果，有菠萝西瓜同蜜瓜。菠萝好抵赞非常之甜！又有红豆沙，真系食到个肚胀卜卜先走呀！啲汤都好抵赞，有虫草花同埋洋葱汤，中式西式任你拣！提提你虫草花真系好抢手架，唔记得咗拎嘅话行埋去就整返虫草渣。
呢度啲服务又系一流，走𠮶时仲同我地讲多谢哂慢慢行添。喺香港已经好耐冇试过有啲咁好嘅服务态度，今日嘅下午非常愉快！
张贴
