友義氣‧酸菜魚

营业中

休息中

呢间主打川菜嘅餐厅绝对会一试难忘。除左招牌水煮鱼同酸菜鱼之外，仲有特色小炒，啱晒一家大细。座落铜锣湾百金利大厦，地址一啲都唔难揾。座位都好舒适，员工服务态度一流。会问你食唔食到辣，再比建议你选择辣道。亦会推荐菜式，令选择困难症嘅朋友少样烦恼。招牌酸菜鱼卖相已经令人食指大动，酸辣嘅香气更加开胃。鱼片数量多，而且每块都厚肉。食落十分嫩滑，一啲都唔粗輆。软得黎又有咬口，食得出用料新鲜。椒麻味道适中，唔会盖过酸辣嘅味道，鱼肉系酸麻嘅配搭之下更显鲜味。配料有荳芽同宽粉，唔嗌白饭都绝对饱肚。宽粉唔会太靭，吸满浓浓嘅汤汁，软滑又饱肚。想食好味嘅酸菜鱼绝对唔可以错过。 黄金软壳蟹价钱同份量绝对成正比，而且金黄色嘅卖相真系十分吸引。咸蛋黄包得十分均匀，炸粉基本上食唔出。蟹肉咬落去竟然会爆汁，仲系啖啖肉。咸香嘅外皮，加上蟹嘅鲜味令我完全停唔到手。绝对系有意外惊喜嘅一道菜式。