影片
更多
2016-06-23
3244 浏览
团购虽然好多时都有伏，但有时都有正嘢嘅！因为之前团购买咗现金券，呢日为食猪就去食呢间有米珠莲大厨坐镇嘅餐厅。我哋分别叫左一个3-course 同4-course set lunch，其实加一百蚊多一个course又几抵食。点完菜先上面包篮，一共有两款包，其中较特别嘅一款系蕃茄橄榄包。牛油亦有两款选择，除左一般嘅牛油，仲有水榄牛油。两款面包都新鲜热辣，我哋都比较钟意质感有少少似scone嘅蕃茄橄榄包，有淡淡蕃茄味，唔使牛油已经好味。头盘方面，我哋拣左65°水煮蛋配面包脆粒,伊比利亚火腿及野菌 同 洋葱忌廉汤配洋葱蓉巴马臣多士。65°水煮蛋配面包脆粒,伊比利亚火腿及野菌: 切开半熟嘅蛋白，蛋黄即汹涌而出。蛋，面包脆粒同野菌都属淡味，令伊比利亚火腿味道更突出，配搭得恰到好处。洋葱忌廉汤配洋葱蓉巴马臣多士：可以用三个字形容呢道头盘─好洋葱。带甜嘅洋葱忌廉汤十分浓郁，而巴马臣多士好香脆亦有香浓芝士味，配搭多士嘅洋葱蓉亦带天然甜味，但同巴马臣芝士好似唔太夹。主菜方面，我地拣左香煎大虾配意大利烩饭及西班牙辣肉肠泡沫（另加$50），慢煮牛肋骨配忌廉焗薯及红酒汁 同 黑松露忌廉宽条面（另加$80）。香煎
点完菜先上面包篮，一共有两款包，其中较特别嘅一款系蕃茄橄榄包。牛油亦有两款选择，除左一般嘅牛油，仲有水榄牛油。两款面包都新鲜热辣，我哋都比较钟意质感有少少似scone嘅蕃茄橄榄包，有淡淡蕃茄味，唔使牛油已经好味。头盘方面，我哋拣左65°水煮蛋配面包脆粒,伊比利亚火腿及野菌 同 洋葱忌廉汤配洋葱蓉巴马臣多士。
65°水煮蛋配面包脆粒,伊比利亚火腿及野菌: 切开半熟嘅蛋白，蛋黄即汹涌而出。蛋，面包脆粒同野菌都属淡味，令伊比利亚火腿味道更突出，配搭得恰到好处。
洋葱忌廉汤配洋葱蓉巴马臣多士：可以用三个字形容呢道头盘─好洋葱。带甜嘅洋葱忌廉汤十分浓郁，而巴马臣多士好香脆亦有香浓芝士味，配搭多士嘅洋葱蓉亦带天然甜味，但同巴马臣芝士好似唔太夹。主菜方面，我地拣左香煎大虾配意大利烩饭及西班牙辣肉肠泡沫（另加$50），慢煮牛肋骨配忌廉焗薯及红酒汁 同 黑松露忌廉宽条面（另加$80）。
香煎大虾配意大利烩饭及西班牙辣肉肠泡沫：上枱时样子十分讨喜，大虾好似喺意大利饭上面跳跃咁。可惜呢道菜俾我哋嘅味觉唔够视觉满足，首先意大利饭煮得有点过硬，唔系好食到西班牙辣肉肠泡沫嘅味道，另外大虾虽十分弹牙但鲜味不足。
慢煮牛肋骨配忌廉焗薯及红酒汁：三道主菜为食猪觉得呢一道最好味。一上菜已经颠覆左我哋对牛肋骨嘅印象，因为碟上系冇骨一块四方体牛肉，配以一条十分卡通嘅原条迷你红萝卜。牛肉煮得好腍，牛味浓郁，啖啖肉对于食肉兽黎讲十分满足。红酒汁比较似肉汁，比较淡味唔会抢走牛肉本身嘅香味，而配搭嘅焗薯上有香浓芝士，简单但亦好味。
黑松露忌廉宽条面：上菜方式好特别，面同黑松露忌廉汁系分开上，再喺客人面前将黑松露忌廉汁淋上面，估计系防止黑松露嘅香气太快被面嘅热力挥发，十分细心。呢道菜嘅食材真系只有黑松露酱，忌廉同宽条面，可见餐厅对佢哋嘅黑松露酱系几有信心。的而且确，黑松露味十分香浓，而且有层次，有齿颊留香嘅效果。
甜品方面，我哋两个都拣左焦糖炖蛋。个炖蛋都几大个，面头仲有唔少水果，炖蛋香滑唔算甜，可惜焦糖面做得一般，既唔脆亦有糖粒未溶。set lunch 仲包coffee/tea， 好难得地coffee 可以拣latte/cappuccino 而唔使加钱，而且咖啡质素都唔错架。
题外话/补充资料：
1. 之前订位出左几次小风波，餐厅应承会一人送一杯饮品，就算当日我哋冇提都有主动送。
2. 上菜时侍应会细心讲解。
3. 唔知系咪坐近窗口，有啲蚊虫。我哋发现红酒入面有只蚊，同侍应反映，佢虽然冇交代任何嘢但都即时换左杯新嘅俾我哋。
(以上食记乃用户个人意见 , 并不代表OpenRice之观点。)
张贴
