影片
更多
2009-09-30
82 浏览
早几个月前已从同事口中得知荃湾区有一间叫 “PHD” 嘅新薄饼店, 仲大赞佢哋嘅Pizza又平又好味. 听后好想试试系咪咁好味, 因为我都几钟意食Pizza, 每个月都帮衬Pizza Hut一两次. 但真系好小去荃湾, 所以一直都无机会试. 昨日去朋友屋企 ( 西湾河 鲤景湾 ) , 原来佢楼下都有PHD分店, 所以唔理我朋友钟唔钟意食Pizza都买上去做晚餐. 佢哋卖嘅系手拉批, 即叫即拉~真系睇住个师傅将啲面粉由一个球状拉成饼底, 仲要抛上半空, 好似睇表演咁(舖面有块大玻璃可以睇住厨房整Pizza), 过程都几得意架.我叫咗个PHD多宝手拉大批, 原来大批自取做紧半价, 哗~~真系好平, 只要$64有个大批. 味道都几好味㖞, 我几欣赏佢哋嘅Pizza唔系太多油, 用手揸住食只手都唔系好油. 另外叫咗水牛城鸡膇, 味道酸酸辣辣几开胃, 我朋友话送啤酒好正. 再加一客卡邦尼鸡肉意粉, 鸡肉几滑同埋有啲烟肉好香口. 仲有两个北海道牛乳豆腐布甸, 呢个布甸俾我好大惊喜, 因为我唔食得太甜, 所以平时好小食甜品, 但系服务员姐姐话唔系好甜, 系咁叫我试吓. 第一啖入口我个心觉得俾个服务员
昨日去朋友屋企 ( 西湾河 鲤景湾 ) , 原来佢楼下都有PHD分店, 所以唔理我朋友钟唔钟意食Pizza都买上去做晚餐.
佢哋卖嘅系手拉批, 即叫即拉~真系睇住个师傅将啲面粉由一个球状拉成饼底, 仲要抛上半空, 好似睇表演咁(舖面有块大玻璃可以睇住厨房整Pizza), 过程都几得意架.
我叫咗个PHD多宝手拉大批, 原来大批自取做紧半价, 哗~~真系好平, 只要$64有个大批. 味道都几好味㖞, 我几欣赏佢哋嘅Pizza唔系太多油, 用手揸住食只手都唔系好油. 另外叫咗水牛城鸡膇, 味道酸酸辣辣几开胃, 我朋友话送啤酒好正. 再加一客卡邦尼鸡肉意粉, 鸡肉几滑同埋有啲烟肉好香口. 仲有两个北海道牛乳豆腐布甸, 呢个布甸俾我好大惊喜, 因为我唔食得太甜, 所以平时好小食甜品, 但系服务员姐姐话唔系好甜, 系咁叫我试吓. 第一啖入口我个心觉得俾个服务员姐姐呃咗, 因为面头𠮶层朱古力粉都几甜架(可能因为我唔太食得甜), 但系当啲朱古力粉嘅味道淡落嚟之后, 就食到好清香嘅牛乳同埋豆腐味, 除咗啲朱古力粉外, 个有甸真系唔算好甜, 服务员姐姐真系无呃我~~ (呢度啲服务员态度几好架, 会帮我计埋点叫会平啲)
一个PHD多宝大批 + 一客卡邦尼鸡肉意粉 + 一客水牛城鸡膇 + 两个北海道牛乳豆腐布甸都只系$152, 四个人食到饱饱, 呢餐好满足~~
张贴
