印尼餐廳 (已結業)

因为妈咪今晚无煮饭, 所以去男朋友公司附近呢间印尼餐厅食野..6点半去到已经有6枱客, 一坐低叫个waiter俾杯水, 佢已经黑面, 因为佢已经倒好茶, 而我要水, 要佢再水bar倒, 烦倒佢..跟住叫左个蛋豆腐酱菜 ($66), 同巴东牛肉($88), 蛋豆腐酱菜一贯够热好味, 巴东牛肉都系用牛展,好重香料亦辣..食紧巴东牛肉既时候有个waiter拿住个大木饭桶问我地要唔要饭, 因为仲系6点几唔太肚饿, 所以无要到饭亦只系叫左2样野, 埋单$191. 因为男友同我都太累无仔细睇到单…返到屋企无咁累时谂无理由叫2样野要近200蚊埋单, 一计之下发现俾佢收多$22..呢$22点黎哩, 原来系2个人既白饭费, 每人$10, 加一后即系每人$11, 但我地无叫到白饭㖞, 好明显呢间野打单时系唔系都每人加个白饭前先, 唔理你有无要啰…咁既收钱手法简直系老屈, 以后都唔会再帮衬...最后我想讲食完个巴东牛肉真系好口渴, 觉得系因为落左好重既香料或者味精, 如果食巴东牛肉, 个人钟意荅里园既, 其次系峇里餐厅, 之后系cwb sogo侧边既印尼餐厅…下次我点累都会睇单, 唔好无啦啦俾人收多啰...