日日香鵝肉飯店+新仙清湯牛腩 (已結業)

喺屯门行完donki，见到呢间新开就试一试。卤水墨鱼同鹅肾份量都好多，墨鱼食落好弹牙同埋食到墨鱼味。鹅肾食落都好香，相当入味，口感实得嚟又唔会硬，CP值极高。牛丸咬开有少少牛油，好香而且又弹牙。墨鱼丸就不过不失，冇乜太大惊喜。罗白好甜，而且冇乜根，食完3旧唔够喉，再叫多一份小食。嚟到呢到，冇理由唔叫返个鹅肉嚟食。问咗店员，鹅肉同鹅片嘅分别。鹅肉就有骨，鹅片就冇骨。鹅肉食落好香，因为d皮都比较肥，平时食鸡鸭鹅都唔会食皮，但呢个皮食落去又唔会有好油腻嘅感觉，但份量就比较少。