日日香鵝肉飯店+新仙清湯牛腩 (已結業)

在屯門約同事食飯的一個晚上 找到這間吃滷水鵝的店 被門口廚窗正在切滷味的師傅吸引住了 這間日日香原來在很多地方都有 在香港也有幾間分店 還是間連續4年榮獲米芝蓮推薦的餐廳（超勵害的銜頭👏🏻👏🏻👏🏻）·在香港分店中 屯門這間分店應該是最特別的 除了有專賣鹵水鵝類食物之外 還有清湯牛腩類都一樣岀名👍🏻這天晚上因為下大雨 人不算太多 ·😄開心精選 2人套餐 A［$298］1️⃣滷水獅頭鵝髀超大超肥美的鵝髀👍🏻滷水汁真的非常入味 2️⃣潮流滷味拼盤【例】【豬大腸，豬耳，豬腩肉，紅腸，豆卜，滷雞蛋】非常高質的潮州滷味 豬大腸都很乾淨 沒有異味 而且嫩滑 整體全部滷味都非常入味 份量也是不少3️⃣滷汁油菜【可選擇：菜心，芥蘭 或 西生菜】4️⃣健康鵝骨湯｜2客【可轉：+$38/每客 泰國椰皇燉烏雞】升級轉了椰皇燉烏雞 就是被椰皇吸引了 超鮮甜的湯 加上椰子更加清甜 完全不是味精湯 絕對推薦！5️⃣泰國香飯丨2客【可改選：湯米/湯河/湯瀨/湯麵】完全沒有想到咁大的一碗白飯 （份量就等同一個碟頭飯）兩個女吃 一碗都食不完😂所以直接退還回了一碗飯·另外還點了個潮式蠔仔烙［$108］即叫即炸的蠔仔烙 大大一塊 像pizza

我買外賣既係三併併盤，揀左墨魚，紅腸，鵝腎。叫得呢堆野全部唔值錢都唔係話要點抵食，但呢間鋪頭太離譜，墨魚得果十片，腎得一對，切埋得十片；紅腸1/3條，夠膽死收人126蚊即時同店員反映話份量細，佢話份量係咁，仲喺度叫我嫌少轉返每樣單併，唔係話要拎咩著數，但126蚊，我預4、5個人食下當多個餸，每樣得十片真係離哂譜。再望真啲人地個單餸飯份量仲多過我，都係50幾蚊，無諗過可以有食肆咁樣做生意呢間野諗住有咁多分店穩陣，點知態度又唔好，味道又唔好，以後都唔會再幫襯！

今日黎到屯門行到時代廣場，見到呢間滷水鵝店俾佢嘅滷鵝吸引，於是入去食，大約兩點半入座，餐廳唔係太多客人，而且環境相當企理，今日就揀左鵝皇餐配瀨粉$135,個套餐係包埋熱飲，而呢個鵝皇瀨粉材料豐富，有鵝片，鵝腸，鵝腎，細鵝肝，鵝蛋，仲有豆卜，鹹酸菜，豬肉條鵝片皮肉脂肪相當均勻，食落鵝味十足，加d醋焦上食鵝片可以解膩鵝腸幾好味，每條都有連住脂肪肥膏，口感唔錯鵝腎咬落爽口幾好味，鵝肝入口都好快溶味道幾好鵝蛋同豆卜吸哂滷水汁唔錯，豬肉條ok,仲有食d鹹酸菜可以解到鵝肉油膩今日食呢個滷水鵝皇瀨好非常滿意

第一次試食，叫左鹵水鵝片飯套餐配飲品，鵝肉入味，而且配有豆卜，豬肉條，值得一提嘅係仲有鹹酸菜，超好味。另外加左盅泰國椰皇燉烏雞湯 ，必試推介。雖然價錢略貴，但可以一試。

來這裡食飯是第一次。點了出名的牛腩牛筋。清湯牛筋河不錯，還配上桌上的滷水汁，很美味，個牛筋很有嚼口，好彈牙。個咖哩牛腩河就好唔掂，相信牛腩本身是ok的，但唔掂在於佢個咖哩汁，食落是好似只加咖喱粉開水一樣，沒加椰汁或奶之類，一陣好重重的香料味，我先生放棄了個咖哩汁，索性用湯洗牛腩才吃。個咖啡都好唔掂。我估除左呢兩樣，其他應該都ok.

去屯門公園玩完就緊係唔少得去覓食係網上睇到都幾多人推介呢間嘢就專門走去試下去到門口⋯⋯如果唔係網上睇過食評，我霖我唔會揀呢間🫢🫢🫢🫢燈光好昏暗，我霖呢個就係成晚得幾台客嘅原因我地叫佐個368嘅二人餐，都幾抵食遺憾嘅係我地專門去食鵝片，但已經賣曬清湯牛湯，啖湯好清甜，牛腩也都唔會過火，個人覺得做得比鵝比脾出色由於無佐鵝片就轉佐鵝脾蒜蓉炒西生菜，好有鍋氣好爽口呢個鵝湯都好推薦，好鮮甜有機會都會再去試下d鵝片

今日2022年4月10日星期日，晏晝2:30叫左佢個「咖哩牛腩飯」外賣個價錢都70幾蚊，以為應該有驚喜。點知返到屋企開黎食，8舊薯仔4舊牛腩。收得呢個價，平衡下少少好冇，開頭一望以為幾好，好多餸，點知夾親都係薯仔。我唔知會唔會堂食會好啲，但疫情下堂食都危險，做外賣生意都比啲誠意啦。感覺真係麻麻。

朋友揀嘅餐廳，估唔到平日晚上都幾多人幫襯，睇返先知原來好多區都有分店!! 🔘滷水鵝皇瀨粉 $132最好味當然係鵝片，肥瘦適中肉質鮮嫩，跟住鵝肝鵝腸都好食，但滷水食物比我想像中淡味少少，枱面有個滷水汁可以點嚟食，食晒碗粉仲有好多滷水剩!! 🔘特選滷味飯 $68有豬大腸、豬腩肉、紅腸、滷雞蛋、豆卜，如果肚餓建議要跟飯，飯嘅份量多過瀨粉好多，甜酸菜係亮點，撈飯要靠佢，每個餐都送嘅豬肉條都幾好味，食落感覺似魚片，腩肉肥瘦相間，大腸沒有怪味應該清洗得乾淨，兩個餐share d餸嚟食就可以試晒啲滷味咁濟!! ✌️🔘淨雲吞 $50有6大粒鮮蝦雲吞，個湯非常鮮甜多蔥，仲有幾舊白蘿蔔，鮮蝦雲吞嘅蝦肉新鮮彈牙味道唔錯!! 原來呢度冇加一，今次試完滷味，下次要食埋佢出名嘅牛腩先得!!

潮汕風味嘅日日香鵝肉飯店最近新開咗幾間分店，今晚終於同媽咪嚟食，晚飯時間店內都幾多人滷水鵝片飯💰7️⃣8️⃣鵝肉肉質嫩滑，肥瘦適中，滷水汁好香唔會太鹹，仲有配菜滷水蛋半隻、豬肉條片、豆卜同酸菜媽媽話大喜歡🤣潮式蠔仔烙💰9️⃣8️⃣蠔仔烙即叫即炸好香脆，蠔仔都幾大粒，配埋魚露一齊食小食仲要咗墨魚列例牌💰5️⃣2️⃣同包仔豆腐1️⃣8️⃣兩款都係用左滷水汁做底，包仔豆腐預先炸起再用滷水滷，且墨魚片都幾爽口仲有多款滷水斬料選擇鵝腸、鵝翼、鵝掌等等，晚上7：30後仲有85折優惠🎈日日香鵝肉飯店+新仙清湯牛腩🎈屯門屯隆街2號屯門時代廣場南翼地下3-5號舖

屯門市廣場新開左大概三四個月的呢間餐廳一直想試，米其林指南總店連續四年獲推薦🤩好似好勁咁！最重要係唔貴，今日路過，見唔洗等位，入去試下先。點了（唔洗加一架！）🐱鵝片飯$78挺大碗，而且鵝片很多，有8-9塊😮鵝片肥瘦適中，點醋吃很鮮甜可口！仲搭配潮式扎肉、豆卜、半隻滷蛋、油菜、酸菜等，非常豐富。喜歡重口味的仲可以自由添加特製滷汁拌飯，正😋🐱牛腩河$60我特定指明了要瘦腩，因為我真係好怕食肥膏🙈牛腩份量挺多，啖啖肉，牛味濃，挺爽口，完全唔靭。湯底很清甜，仲有兩大件煮得很入味很腍的白蘿蔔和鮮嫩爽口的油菜。🐱春菜排骨煲$78排骨啖啖肉，而且煮得很腍，豬肉味香。春菜吸收了豬肉湯的味道很香，和春菜本身特有的清香很夾。大量的蒜粒令湯頭清甜得來挺惹味！🐱跟餐芥蘭$24份量挺多，翠綠爽口，新鮮！🐱跟餐凍柑桔檸蜜$3好清甜開胃的味道！🐱跟餐凍奶茶$3挺大杯！整體而言，裝修時尚，乾淨企理，座位舒服，食物味道不錯又唔貴，會再光顧！

聖誕前夕收早，當然行吓街感受下聖誕氣氛啦！晚餐市廣場搵食，本來諗住去新嘅food court ,不過新屎坑真係太多人🤣🤣最尾揀咗日日香，唔使等位第一次食，環境OK正常乾淨，姐姐叔叔幾Nice，滷水鵝專門店，當然試吓滷水鵝飯，原來仲有清湯腩😝-老公最愛 -滷水鵝肉飯！份量好多，仲有好多配菜添，酸菜滷蛋豬肉條😌😌鵝肉非常甘香，鵝油豐富，肥而不膩，可以自己點醋解膩，加點辣椒油更加惹味🤭🤭加多碟芥蘭，滷鵝汁代替蠔油更加健康！特別啲我揀咗鵝腸、鵝頸雙拼飯🤭😌鵝腸非常爽脆，帶住小小鵝油，真係好香！頸嘅肉紮實有咬口，更加入嚟添！真係算係我食過滷水鵝當中最好味😉😉很不錯👍下次一於過嚟試埋清湯腩先😌.

係全民免費搭車日 咁緊係要入一入大西北 咁先抵架啦🤭估唔到全世界都入哂屯門….多人到差啲逼爆哂啲商場….搵食都變左有難度…..間間都要排隊既…今次入屯門我做左功課 搵定食咩架喇諗住呢間係地鋪 仲要晏晝兩點零 應該唔洗排隊啦點知…..我錯喇….好似三點前都有人排緊隊到底有咩咁吸引？食得呢間無理由唔叫返個滷水鵝皇飯有齊哂鵝肉 鵝腎 鵝腸 鵝肝 鵝蛋另外每個飯都會配有豆卜 甜酸菜 豬肉條 時菜碗飯勁豐富🤤🤤係餸多過飯所有配料都煮到勁入味 鵝肉既厚薄度切得岩岩好 加上完美既烹調時間 入口軟熟 一啲都唔會鞋 點埋個醋消消膩 係想一啖又一啖咁繼續食鵝腎又係超入味 又唔會太硬 鵝腸爽口入味 鵝肝肥美可口 入口有少少融化既感覺 好正👍🏻👍🏻反而飯鵝蛋色水都唔係好夠 要加啲滷水汁食先夠味呢個飯唯一既美中不足係啲米唔夠靚 個飯唔夠香朋友點左特選滷味配瀨粉有齊豬大腸 豬腩肉 紅腸 滷雞蛋 份量又係一大碗粉加一大碟餸樣樣野都好入味 食兩啖肉再食兩啖甜酸菜 好好餸飯食完我終於明白點解兩點零都要排隊都仲有咁多人食 係正既

好耐好耐都冇出過街食飯前幾日day off決定落街fing~😆🍴●「滷水鵝肉飯餐」($66)●.喺屯門市中心嚟講六十幾蚊食個晏 都算係中高價，但午餐時間都算座無虛席，可見餐廳應該有咁上下好味 真係唔好講笑，呢餐飯真係我呢排食過最好食嘅一餐🤩😭🤤🤤鵝肉真係滷得好入味 就算滷水嘅時間好長都冇令肉變硬，反而一放入口咬，仲feel都好鬆化 食到一絲絲肉😍皮&肉嘅比例都啱啱好，仲有啲油從燒鵝皮爆！出！嚟！真係好香你🤩🤤🤤食落去就feel到啲油包住咗你每一個脷苔，香味強得嚟又唔會搶走鵝肉嘅肉味，兩者達到相輔相成嘅效果😭😭好感動調味方面，夠味得嚟又唔會過鹹 仲食到滷水香氣，有少少肉桂味😍😆😆對於滷水愛好者嘅我絕對係天堂❤️❤️🤩🤩🤩冇試過喺街食過咁好食嘅鹵水！！！🥄總括嚟講，喺呢間舖頭食鵝真係冇得輸！強烈建議屯門街坊可以一試🤤🤤有好多分店，其他區嘅朋友都可以去就近店舖試下~~但唔知其他分店水準如何💭💭💭好味(9/⑩)抵食 (8/⑩)💭💭💭

舖頭座位數都算多的，整體環境感覺乾淨明亮，接近晚上9點客人也不少。服務員動作相當俐落，檯面上也保持乾乾淨淨，堂食的人不少，外帶的人也沒有間斷。鵝肉是他們家招牌，所以我們點了2人套餐。湯頭鮮甜有味，用鵝骨熬煮的高湯充滿香氣，很好喝。升級換購的椰子就就更加清甜，絕對值得一試。蔬菜揀咗平時少食嘅芥蘭，清甜爽脆，一啲苦味都冇，唔錯！鵝脾超肥美好好食非常美味的潮州滷水，鵝肉、豬耳、大腸食落都乾淨，最怕啲內臟會有異味，全部都好入味，尤其係豆腐。可以講係港式嘅米飯殺手，價錢也十分公道。以後夜晚諗唔到食咩都會再去食。

嚟過幾次食鵝😙今次又試埋佢出名嘅牛腩😄初時以為牛腩唔會帶咩驚喜😌但食完就知要打倒昨日的我😂😂中午同下午茶都帶套餐，價錢尚算抵，味道絕對無得輸 滷水鵝肉飯鵝肉非常嫩滑，滷水汁味道剛好唔咸，香料味不太濃但又帶出到當中香味，配菜除油菜仲有咸酸菜，咸酸菜酸酸甜甜好開胃，如果嫌汁唔夠仲可以自已加，夠細心咖哩牛腩飯喜愛牛腩嘅必定要試，咖哩汁不太辛辣，但薯仔差不多都煮溶哂😆牛腩入口鬆化🤤正呢個價錢食到超水準，值得一試