滾爺火鍋 (金巴利道)

营业中

休息中

位于尖沙咀金巴利道嘅滚爷系一间火锅店，见到招牌之后楼梯落下层就到。店员安排咗卡位位置，餐厅空间宽敞。麻辣鸡煲半只 小辣上台由侍应即席爆炒，所以可以立即系啲鸡啱啱熟就食得，够哂热辣辣又好味。麻辣两只味都算好平衡，拎到位好开胃嘅感觉。鸡件又够滑唔老。配菜又炒得够多够香，芹菜就最好食。澳洲纯牛筋丸爆肉汁嘅牛筋丸真系好惊喜，建议大家要食得小心啲，一咬落去即刻食到极浓味啲肉汁汤，咬落又够爽口弹牙真过瘾。手包鲜虾云吞云吞皮薄馅靓，猪肉同虾肉馅料比例适中，所以食落除咗有虾嘅鲜味亦都食到猪肉嘅味道，煮熟咗皮唔容易烂呢样嘢打边炉好紧要。即炸响铃香脆熟味嘅响铃食嘢味嘅鸡煲打边炉当然要叫一叫啦！手打墨鱼滑墨鱼滑份量相当十足，因为一盒已经有两版墨鱼滑，食落味道调味适中，亦都食唔到任何腥味。口感相当弹牙，但一啲都唔韧。