星幕

营业中

休息中

九龙东最满意嘅下午茶--星幕，餐厅位于将军澳𠮶间皇冠假日酒店嘅顶层，环境舒服，劲开阳，仲有室内同室外，啱晒同闺蜜慢慢叹下午茶。佢新出咗个牛角酥窝夫餐，劲抵食，每份$128包埋嘢饮。窝夫仲有分甜同咸，我就一定会拣甜啦，因为佢配埋Häagen-Dazs雪糕呀，咁嘅价钱可以食到五星级酒店下午茶，一定要去试吓啦☺️我哋叫咗韩国草莓配草莓雪糕，同埋芒果热情果配云呢拿芒果热情果雪糕。士多啤梨大大粒，窝夫劲脆，上面有层cream，最上面就系一球士多啤梨雪糕，再加少少饼干碎，真系大满足呀。而芒果热情果就相对冇咁甜，酸酸甜甜，非常好味，雪糕入边仲有朱古力碎，非常正。两个窝夫都卖相一流，又好味又好睇，啱晒打卡。另外嘢饮选择都好多，有几款唔同嘅咖啡，同埋好多款热茶。我哋要咗冻latte同埋白桃热情果茶，另外可以加$40加一杯 sparkling wine添呀。非常满足嘅下午茶，环境、服务同埋嘢食都非常唔错，大家记得去试吓啦。