麻辣小聚 (Ladder Dundas) (已結業)

其实一只之前我有听过呢一间餐厅，但系一直都觉得佢好似好麻甩下，所以就唔系好敢尝试。直至有一日一个比我更唔食得辣嘅朋友食完觉得都系可接受范围所以就决定要去一战了！难忘酸菜鱼锅因为好惊都系太辣所以叫一个感觉冇咁辣嘅酸菜鱼试吓先！酸菜鱼辣嘅程度对我来讲已经系中小辣程度，酸菜鱼汤底酸味比较重少少辣味都系可接受范围的！鱼片质地系好食的。麻辣小龙虾麻辣小龙虾果然最好食就系龙虾嘅酱汁，龙虾肉虽然唔系占好大份量但系其实都食得好过瘾下！火锅海鲜比想像中新鲜同埋肥美，有七至八款选择，食晒咁多款觉得我虾同埋蚬系最好的！蚬肉系冇size嘅真系要值得一赞。牛肉两款都食晒，系澳洲M5和牛和安格斯肥牛。肥牛就肥肉嘅比例会多啲，牛味相对冇咁重。另外一款和牛牛肉味会适中啲，肥肉就平衡啲！