牛摩 (已結業)

每次夜晚行经牛摩都总会好多人等紧位，今次终于约左朋友仔一齐去试下。我哋决定食豪少少，拣咗极品牛小排加海鲜放题，呢个本身已经包埋豚肉同鸡肉。原来除咗边炉之外，仲可以烧埋肉，好新奇有趣，我都系第一次试，店员仲好用心教我地点烧。我地越烧越过瘾，烧左一整碟牛小排同牛舌，两样都系薄切，入口即融。仲烧左一盘海鲜，包括虾、鱿鱼、帆立贝，特别推介烧鱿鱼，够晒爽口弹牙。佢配有秘制酱料用黎调味，少少辣辣地，加落烧肉度更加惹味。另外仲有两旧仔骨胶原用黎旧肉太干ge时候加。之后我地就拣左汤底打边炉，一人一个自私锅，分别拣咗豚骨浓汤同寿喜烧。本身自取配料都有唔少选择。各式各样ge丸，每样一粒试下主力都系留番个肚食肉，猪牛鸡各一😋，全部肉质口感都唔错。呢餐食得好满足，食到撑住个肚走。走ge时候岩岩到黑夜时段，$99免加一，超抵，下次又可以再黎食过。