牛摩 (已結業)

叫咗個第二平嘅午餐，加咗$26任叫海鮮，好有驚喜，蝦非常大隻同新鮮，上菜仲想得好快，唔會慢慢嚟，食得非常過癮。帶子好鮮味，大大隻，非常新鮮，煮完都仲係好大隻，絕對值回票價，下次都會加錢叫海鮮。牛肉都係非常新鮮，一啲都唔韌，就算煮完都仲係好淋，唔會咬唔開，食到非常飽。另外仲有日式前菜，例如螺肉，都係一般水準，都好味嘅。仲有菠蘿，好新鮮，好香甜。最後食咗芝士蛋糕、泡芙、芒果布甸同埋牛奶乳酪，水準比較高嘅係芝士蛋糕，我麻麻哋乳酪，其餘都OK。

今日同朋友仔出青衣城揾食，一上扶手電梯轉左就見到呢間牛摩放題，心血來潮就入去試吓。#中午未到1點人流唔多，唔需要等位，安排入座之後就快快手揀咗$119牛肉套餐，佢哩度湯底款式都多，最後我同朋友一個嗌咗蟲草雞湯，一個係蕃茄牛肉湯底，鴛鴦鍋。#嘢食方面，特別推介豚肉同雞肉👍🏻，平時出街食飯都驚會臭豬味，但呢度嘅豚肉一啲臊味都冇，而且同兩個湯底味道都夾到。雞肉都冇乜皮下脂肪，肉質鮮美，同柚子醋（加炸蒜、少量蔥花浸泡）襯到絕。反觀牛肉有少少失望，可能係揀最普通牛肉品種嘅套餐，所以感覺一般，甚至食落仲有啲鞋。#逢親去放題或者涮涮鍋都好，芋頭永遠都係蔬菜類首選，煮到咁上下，個人認為近乎爛程度食係最完美，咬落口粉粉哋🤤不過因為食物種類都頗常見，比較平民，所供應嘅種類唔多（eg.冇海帶)，所以行咗一圈食完都冇再出去夾。#食過另一間類似（牛陣），覺得呢間比較唔同嘅地方係會有涼拌，中華沙律、蒜味螺肉等，仲有部自助式雪糕機，提供兩款口味（乳酪+朱古力）自行加toppings 。試曬兩隻味覺得冇咩特別，個人傾向鐘意食配料—蜜糖星星多啲。#講到甜品，有細細件嘅芒果、藍莓慕絲，一塊假葉包住嘅和菓子，啫喱杯，抹茶泡

#青衣 #牛摩 #任食 #一人一鍋 #打邊爐 ❤好多款湯底，好正我就揀咗#越式牛肉湯 好濃味，又勁香九層塔味，仲有少少黑椒味，好正👍👍👍朋友就揀咗#昆布鰹魚湯 同#養生蟲草花雞白湯 ，無咩特別味，我嗰個最好味😏肉方面，揀咗最便嗰個牛豬雞任食，啲牛肉都可以喎，都有少少雪花紋，豬肉亦都有薄切，$179任食，ok 啦最正嘅係仲有野飲任飲，前菜都好多可以揀，醬料又好多，仲有#麻油，#芝麻醬，又有壽司，沙冰，選擇多多😋又坐得舒服，我地夠鐘埋單之後，繼續坐又無趕走我地，都幾好呀😍味道: 8/10味精: 6/10價錢: 7/10環境: 8/10服務: 8/10#vinaintsingyi #vinafood #wagyumore #hotpot #shabushabu #vietnamesebeefstock #allyoucaneat #青衣黃店 #青衣城黃店 #foodporn #foodie #hkfoodie #f4follow #f4f #likesforlike #l4l #l4likes

都已經有一段時間沒有在餐廳打邊爐，難得今日放假，有時間慢慢跟朋友吃晚飯，就到了青衣的牛摩打邊爐。90分鐘任食火鍋放題 ，有多款選擇，有和牛、豚肉、雞肉甚至海鮮任食，湯底都有十款可以自由選擇。外面自助放題區有超過30款食物，有蔬菜，生菜、白菜、 南瓜、蕃茄、木耳、雞髀菇、金菇、鮮冬菇、粟米、拉麵、烏冬。丸類有魚蛋、獅子狗、蜜糖腸、龍蝦丸、墨魚丸、芝士狗卷。旁邊更有墨魚滑。沙律吧有壽司。醬料區有多種配料可以選擇，我個人特別喜歡柚子醋。飲品有汽水、沙冰、咖啡，甚至啤酒都有供應。乳酪雪糕。甜品櫃亦供應好幾款甜品，我個人特別喜歡小蛋糕。今次點了椰子雞鍋湯底雙牛放題套餐，有美國S R F和牛牛頸脊、封門柳、牛舌、特級牛肉、精選牛肉、豚肉、雞肉。湯底方面因為一人一個，椰子雞鍋湯底和博多美人骨膠原啫喱雞白湯。椰子雞鍋湯有濃郁的椰子味，雞肉鮮嫩，湯底充滿椰香又鮮甜，建議打邊爐之前先飲湯。而博多美人骨膠原啫喱雞白湯造型好可愛。美國S R F和牛牛頸脊肉質好鮮嫩，油花均勻，聽聞每隻牛都係得大概2kg，非常罕有。牛小排肥瘦比例剛剛好，肉味濃郁又帶嚼勁，毋須蘸醬汁吃，已經十分滋味。牛舌薄切的牛舌柔軟美味，非常軟

今次見牛摩門口宣傳雙牛放題套餐，椰子雞鍋配牛頸脊，牛舌，封門柳，豚肉，雞肉，仲要係任叫任食，好岩我男友😂 （佢係牛魔王黎）雖然平日七點黎到，其實都已經差不多坐滿人啦今次呢個套餐係椰子湯底，店員介紹話可以揀多款鴛鴦湯底。一睇餐牌，原來有超多湯底揀，眼花撩亂，最後揀左壽喜燒配椰子湯底。.我個人就鐘意用濃啲既壽喜燒湯底浸牛肉，而椰子雞湯入面都有唔少椰子紅棗粟米同雞件，唔係比無肉既雞骨你，所以都幾真材實料。我會用椰子雞湯浸菜食，幾滋潤，唔怕油～呢個套餐真係幾豐富，有好多款肉，全部牛肉都睇落好新鮮，油花均勻，切得夠薄。牛頸脊，牛舌，封門柳，豚肉，雞肉我男友就鐘意食牛頸脊，肉味比較濃。配蛋汁口感更滑！我個人就比較鐘意封門柳，因為脂肪比較少。原來封門柳每隻牛得一條(ﾟoﾟ;;火鍋最爽既就係配啤酒，本人唔太好酒，個呢個三得利啤酒夠醇滑，易入口既～嫌熱氣飲茶都得～自助吧大多係蔬菜丸類麵類，唔算好多選擇但都足夠，旁邊仲有壽司吧同yogurt 機食飽飽再加翻個yogurt 滿足哂(*^__^*)

聽朋友講鍾意食牛肉嘅一定要嚟呢間牛摩試下，今日一於帶媽咪過嚟。入座時，店員會先資訊我們選擇那款牛肉的套餐和湯底，可選鴛鴦鍋或者一人一個鍋。我哋決定試吓雙牛放題套餐，套餐包含咗美國S R F和牛牛頸脊、封門柳、牛舌、特級牛肉、精選牛肉、豚肉、雞肉。湯底方面叫咗個鴛鴦鍋-椰子雞鍋湯底同埋養生蟲草花雞白湯，兩者都好清甜，而我較鍾意椰子雞鍋湯底有好濃郁椰子香味，建議打邊爐之前先飲湯，啖啖椰香味！「美國S R F和牛牛頸脊」肉質好鮮嫩，油花均勻，脂肪位咬落去特別爽滑，據聞每隻牛都係得大概2kg，非常罕有。「封門柳」每隻牛得一條，極少脂肪，但就有好濃郁嘅牛肉味！雖然脂肪比例較少，但係一啲都唔韌，肉質非常鮮嫩。「牛舌」柔軟美味，簡單就能咬斷，越嚼越香，令口中充滿牛肉特有嘅滋味。而雞件配合椰子湯底，香潤甜滑，而且有益氣生津嘅效果。自助吧有超過50款配料、沙律、前菜、甜品和飲品，順帶一提佢哋嘅飲品竟然有芒果沙冰同蘋果沙冰！而前菜有四款壽司同埋一啲日式小食。打邊爐個湯底真係非常緊要，用佢嘅椰汁湯底真材實料，簡簡單單食蔬菜都可以好清甜！三百幾蚊左右可以任食任飲以上提及嘅所有食物飲品，真係物超所值！！

由於喺農曆年初一睇到「牛摩」喺網上賣廣告宣傳話：「祇要係屬牛嘅牛仔牛女，喺年初一至年初七期間去他們每家分店惠顧都可以免費！」作為牛女嘅小妹一睇到，當然超級興奮啦！於是我就即刻打去其中一間分店查詢一下，店員話：「係呀！真係有呢個優惠呀！無論你有幾多個屬牛嘅人，祇要同佢一齊嚟嗰個朋友唔係屬牛，咁就可以喇！」咁即係等於買一送一嘅優惠！而且無得預訂位，要去現場攞票先可以！所以我們就揀咗喺農曆大年初六去青衣城分店食！一去到見到已有人客排隊等位，但比預期中少，所以等咗唔係好耐就可以入座！入座前，店員會喺門口叫屬牛嘅出示身分證，同埋問我們食邊款牛肉同湯底，佢話可以用到呢個優惠嘅有兩款牛肉，分別係美國精選牛肉同美國特級牛肉！我們就揀咗美國特級牛肉！至於湯底我們就揀咗昆布鰹魚清湯，因湯底嘅味道清甜，可以更加帶出所有食材嘅鮮味，唔會因為太過濃郁，而掩蓋晒食材原有嘅味道！首先嚟咗豬肉同鷄肉，賣相同質素同其他放題店差唔多，但牛肉就令我們有啲啲驚喜，因出嚟嘅份量都幾多幾大碟，而且切得都幾大件，所以食落口感好豐富，肉味相當香濃！至於自助區擺放嘅食物唔算係好新鮮，而且選擇唔太多，所以我們主要都係食牛肉！

係新年前幾日見到牛摩係新年期間初一至初七會做優惠 只要生肖係牛年就可以二人同行一人免費 免費個個會收返加一服務費 都幾抵下 即刻同屋企人去試試我地大約晏晝兩點三左右去到餐廳 門口已經有堆人係到等 餐廳都唔算太多人 因為個優惠係3點先開始 店員話兩點九開始可以㩒飛等 差唔多夠鐘啲人就已經開始排隊等搭正45分拎飛 準時3點鐘店員開始叫入座 入座前要揀好晒一人一鍋定係要鴛鴦鍋 同埋要揀埋要咩肉 肉有兩款 一款係精選 另一款係特級 之後出示埋身份證就可以入座了 限時90分鐘仼飲仼食我地就揀左一人一鍋 一個豚骨湯 另一個係美顏鍋 呢個要加返10蚊 特別既係有牛摩個圖案 味道係雞湯味 之後揀左個特級牛肉 之後仲有埋碟雞同豬 仲可以出去自助吧拎野食 不過係野食既選擇就唔太多 都係打邊爐一定有既野 自助吧仲有前菜 乳酪雪糕 飲品同甜品特級牛肉果然係冇揀錯 肉質好令 一碟既份量都幾多下 豬肉都好好食 好薄 好味 我地仲叫多左一碟牛同一碟 肉質同頭先個碟一樣咁令咁好食 最後仲食埋乳酪雪糕先走 味道正常 兩個人埋單都係食左$190蚊 真係好抵食

自助吧無熱食，無肉類，丸類都比較少，都無罐裝既多種飲品，得幾種咁，甜品都係4款左右，單上既牛肉第二轉差左唔少，佢個自助吧其實超細，以咁既價去荃灣食好好多，只係環境唔錯咁啦。

聖誕前夕享用了$299的外賣自取放題，份量出人意外，連烏冬都有4包！小食拼盤很人很樣有一件，雞肉彈牙，兩盤牛肉味道和質感各人不同，食唔停口，結果食唔晒啲豚肉，第二日炒嚟食都仲好得～～～～wowwwwooowww~~~~~~ 新年好想叫多次！Bought take away b4 christmas for $299, highly valued! Portion is king, got 4 packs of udon and one piece of every little snacks. Juicy chicken, yummy 2 trays of beef of different taste and texture! Ate non-stop, ends up unable to finish the pork and saved it for another day for stir fry and still good! Super wanna order it again for the new year!

☃️天寒地凍最好就梗係打邊爐啦！限聚令再加上疫情...最好都係喺屋企嘆外賣火鍋就最安心啦！今次試咗外賣火鍋專門店牛摩既節日版火鍋！牛摩出名所有牛肉當日即刨，唔會刨定雪過夜，所以肉質特別新鮮美味，身為牛魔王嘅我點可以錯過先！🤩呢個港式封門柳大滿足套餐好豐富，有靚牛肉又有鮑魚，兩至三人份量都只係$358，每人$120有找就食到以下嘅美食啦！真係性價比超高😋⭐️ 日式加州反卷開爐期間嘅前菜！食住等湯滾就冇咁肚餓啦！⭐️日式磯煮鮑魚名貴嘅鮑魚煮返熱就可以食！鮑魚好入味又彈牙而且都幾大隻，一人一隻回晒本，好滿足呀！❤️⭐️封門柳牛肉我都係第一次食牛嘅呢個部位，牛肉味好濃，肉質柔軟而油份少，每隻牛只得一斤咋！係好矜貴嘅部位！⭐️特級牛肉美國肥牛從來都係人見人愛而且打邊爐必備！份量都好多添！⭐️雞肉無骨嘅雞脾肉，大大件又滑彈牙！⭐豚肉勁薄切，淥兩淥就食得！⭐️火鍋配料拼盤裏面有牛丸、魚蛋、芝士腸，仲有小朋友勁鍾意個板燒牛摩魚糕, 因為有牛摩可愛圖案，仲有芝士竹輪、芝士海鮮豆腐，啱晒我屋企兩個芝士小魔王🧀蔬菜方面有蘿蔔、南瓜、金菇冬菇同埋大量嘅娃娃菜、生菜，好健康！P.S 套餐之外仲可以另外追加其他食物㗎，我就追加咗

呢個星期天氣凍咗 最適合打邊爐㗎啦 今日下晝嚟咗牛摩食個火鍋放題暖暖身🙊 午巿放題都幾抵食 90分鐘任食火鍋放題 我地叫呢款係149蚊 有牛肉 豚肉同埋雞肉任食 湯底都有十款可以揀 我就揀左關東風壽喜燒 友人就揀左港式蕃茄牛肉湯 外面拎野食嘅自助放題區有超過30款食物可以拎 有前菜嘅沙律吧 竟然有味付螺肉😻 而火鍋嘅配料都幾多㗎 丸類有魚蛋 獅子狗 蜜糖腸 龍蝦丸 個人就鍾意黑色嘅墨魚丸 咬落口好彈牙 而且食到有細細粒嘅墨魚粒 比較特別係佢有芋泥丸 不過食落口係甜嘅 比較適合喺呢餐嘅尾聲食多啲🙊 蔬菜類都有好多選擇 啱晒都注重健康嘅我地 有油麥菜 生菜同小白菜 有蓮藕 南瓜 冬瓜 蕃茄 木耳 呢啲都係低卡健康之選🥬牛肉一上檯就好大碟 每片都幾大塊 切得夠薄 淥一淥就食得 雞肉好嫩滑 淥咗好耐都唔鞋 豚肉都好好食 肥瘦好均勻 食落唔會好硬🐷飲品吧有一般嘅汽水 蘋果綠茶 同雀巢檸檬茶 仲有沙冰都幾特別㗎 不過天氣凍就冇試啦🙊另外有個甜品櫃 同埋雪糕機 有朱古力同frozen yogurt 🤤仲有好多配料可以選擇 呢部雪糕機非常易用 唔會整到周圍污糟邋遢而家有優惠 食九十分鐘放題可以免加一

今日去青衣城行街，個肚餓到打曬鼓，發現有間牛肉午市放題火鍋店<牛摩>，見門都未開，已經有人在排隊，似乎幾受歡迎，便試下新野!！～餐廳午市提供90分鐘的午市放題，仲要有小朋友同長者優惠，最平$99起，就可以瘋狂任食美國特級精選肥牛,時間仲可以由中午12點至下午5點任你簡，食足90分鐘，真係真心抵食。如果吾想食牛肉放題，就甘order單碟都有低至8折嘅優惠。另外，餐廳仲有午市兩選一特別優惠👇🏻90分鐘放題免加一服務費/午市90分鐘放題4人同行3人收費，真係抵上加抵!今次我地就簡左$149嘅美國特級牛肉放題，美國特級牛肉同精選牛肉，豬肉同雞肉，都係任添任食任order，另外仲包埋超過30種配料任選，仲有前菜、甜品、乳酪雪糕、飲品等等。如果二人來，湯底可以選個人獨立鍋，或者鴛鴦鍋，今次我哋就選擇咗日式壽喜燒同意式蕃茄芝士鴛鴦鍋。由於湯底本身味道已經夠濃郁好味，所以牛肉就算唔點附加嘅柚子醬油或其他日式醬油都好夠味。而且牛肉是簿切的，質素水準頗高，牛肉味濃，肥瘦均勻，我地都食左好幾碟，真係乜本都回曬。其它任添任食嘅食物有魚蛋、墨魚丸、芝士腸、芋頭蓉包心丸、芝士狗卷、豆腐丸、生菜、白

牛摩 (青衣)-呢幾日天氣凍咗好多🥶 食個火鍋就啱晒啦😍 估唔到而家牛摩午市有放題自選優惠，價錢仲好抵😍 午市單碟放題仲低至八折😍 不過我呢啲大食鬼就梗係食放題開心啲啦🤪 90分鐘放題有得免+1，或者四人同行三人優惠🤪 而家冇得食晚市堂食，午市就梗係要對自己好啲啦！🤪入到去揀咗湯底之後就梗係即刻出去揀嘢食🤪 嘢食選擇都有好多款，基本嘅菜、丸嗰啲全部都有，而且除咗基本嘅烏冬之外，呢度竟然仲有蕎麥麵🤩 前菜方面全部都用個盒有蓋遮住，令人食得衛生又安心🧡 當然，飲品、甜品嗰啲一應俱全，不過最特別嘅係呢度竟然仲有沙冰！食個熱辣辣嘅火鍋配埋沙冰最適合🤩 食物方面，多款選擇唔使講🥳 牛肉、豬肉、雞肉嗰啲睇到都見到係靚嘅😍 見到牛肉雪花靚靚仔仔😚，牛肉仲要係一大碟，啱晒我呢啲食肉獸🤣再加上好欣賞呢度嘅服務😍 除咗店員好好，又有禮貌之外，最加分嘅係叫完啲肉之後好快就有！🥰 因為有時出面有啲火鍋店叫完都唔知等幾耐... 呢度就冇呢個問題，而且效率好好👍🏻 再加上店員自動自覺當冇湯底嘅時候，店員好快會自動加，而且收碟都唔會慢，唔會搞到一枱都係野，超級加分👍🏻-📍牛摩 (青衣)青衣青敬路33號青衣城2樓

小女食評：😍😍今天爸爸媽媽帶我到牛摩吃飯，我哋可以吃不同的配料，有:牛肉，雞肉......有多少人就多少個火鍋的湯底，一人一鍋，有很多火鍋湯底，，宵夜時段是九點後，很多人來吃，因為便宜了，有雪糕、飲料，還有壽司......不要忘記還有飲品，有冷的飲品， 有雪碧，橙汁……我將三種飲品溝起來， 我將芬達,可口可樂和雪碧溝起來的味道是好像檸檬加可口可樂👍，也有熱的飲品，熱巧克力……有很多種食物可以給你選擇，也有很多湯底，壽司原本到來的有很多款，但是我們是食宵夜的，所以就少了很多款，剩餘兩款，配菜也有粟米和菠蘿，雪糕就有牛奶加朱古力，朱古力 和牛奶有很多本火鍋的配料 那些配料很多， 令我眼花撩亂， 你都行不行不動， 最後我們食了一個半小時，但是只可以食一個小時但是就係了一個半小時。後記：好多野食，9點消夜時段都唔太限時，軟雪糕都很開心。牛奶味超重。我喜歡朱古力味，瘋狂落配料。