影片
更多
2021-05-16
95 浏览
今日去咗位于天后嘅一间意大利餐厅食午餐。 我哋一点入座，餐厅已经坐左好多枱客人。餐厅分左户外同室内嘅区域，户外区域感觉非常悠闲，不过由于天气太热，同妈妈都选择左坐返喺室内。星期日都有午市套餐，套餐由$118起，包左前菜同主菜，价钱合理，甜品同饮品就要分别另外加$10。餐厅更设有chill time ，下午12-8点，$388有2 bottle set既wine，都几抵，撞啱时间都可以约埋朋友仔饮杯wine 放松吓！店员事先送上面包一客，面包质地软熟。前菜方面，我哋分别叫咗粟米汤同埋蛋卷。粟米汤味道清甜，口感顺滑。蛋卷包住火腿，旁边放上Gorgonzola cheese做点缀，卖相精致。蛋皮香，卷着火腿有层次感，点埋旁边嘅cheese ，味道香浓。主菜方面，妈妈叫咗烤春鸡，厨师非常细心，已经事先喺鸡胸位去咗骨，方便食用。春鸡外皮香脆，肉质几嫩滑Juicy，加上柠檬汁，鸡肉鲜味更出。而我就叫咗牛扒，肉质腍，而且牛味几出，更有紫薯同薯仔做配菜，吸晒牛既肉汁，味道好香。我哋加咗是日甜品同饮品是日甜品系朱古力慕丝蛋糕配红桑莓意大利雪糕，慕丝口感细滑，朱古力味浓郁，另外里面仲有啲果仁碎，令蛋糕口感
我哋一点入座，餐厅已经坐左好多枱客人。
餐厅分左户外同室内嘅区域，户外区域感觉非常悠闲，不过由于天气太热，同妈妈都选择左坐返喺室内。
星期日都有午市套餐，套餐由$118起，包左前菜同主菜，价钱合理，甜品同饮品就要分别另外加$10。
餐厅更设有chill time ，下午12-8点，$388有2 bottle set既wine，都几抵，撞啱时间都可以约埋朋友仔饮杯wine 放松吓！
店员事先送上面包一客，面包质地软熟。
前菜方面，我哋分别叫咗粟米汤同埋蛋卷。粟米汤味道清甜，口感顺滑。
蛋卷包住火腿，旁边放上Gorgonzola cheese做点缀，卖相精致。蛋皮香，卷着火腿有层次感，点埋旁边嘅cheese ，味道香浓。
主菜方面，妈妈叫咗烤春鸡，厨师非常细心，已经事先喺鸡胸位去咗骨，方便食用。春鸡外皮香脆，肉质几嫩滑Juicy，加上柠檬汁，鸡肉鲜味更出。
而我就叫咗牛扒，肉质腍，而且牛味几出，更有紫薯同薯仔做配菜，吸晒牛既肉汁，味道好香。
我哋加咗是日甜品同饮品
是日甜品系朱古力慕丝蛋糕配红桑莓意大利雪糕，慕丝口感细滑，朱古力味浓郁，另外里面仲有啲果仁碎，令蛋糕口感更有层次，红桑莓意大利雪糕味道酸甜，中和返朱古力嘅甜味。
饮品方面我哋嗌左冷、热咖啡，咖啡味道香浓顺滑。
总括嚟讲，餐厅环境坐得舒服，店员服务态度良好，食物质素唔错，价钱合理，非常满足嘅一餐！
张贴
