家賀屋刺身寿司專門店

首先叫咗个𩽾𩾌鱼肝沙律，有两块𩽾𩾌鱼肝，切得好厚，味道浓郁。食完沙律好快就到刺身。我哋拣咗呢度好蛋人叫嘅特选鲔盛。呢个吞拿鱼盛有六件，有赤身、中拖罗、大拖罗。赤身已经好好食，中拖罗更肥美。大拖罗简直入口即溶😍质素好比Omakase 👍🏻食日本嘢当然叫番杯酒，拣咗Snowball。另外叫咗池鱼苗，香脆小食，一路饮一路食！之后就到丰富嘅特选刺身盛，赤虾超级大只长身，非常鲜甜！是日推介系鲂绋鱼，鱼味清甜带鲜味。仲有好正嘅吞拿鱼腩，个边边位超级肥美。油甘鱼、三文鱼、八爪鱼都好味。另外店员推介特选寿司定食，呢个钟意食寿司嘅真系一定要叫😻有七件寿司、赤贝刺身、炸蚝、汤及沙律，好丰富又好味。有炸蚝两件，金黄又脆，入边好蚝Juicy。刺身嘅赤贝好爽好大只，完全唔腥。海胆仲好鲜甜，七件寿司都非常新鲜。