割烹 櫓杏 (iSQUARE國際廣場)

营业中

休息中

难得复活节假期，梗系同老公开开心心出去食餐饭啦！今日拣咗位于iSquare 28楼嘅「割烹 橹杏 」我哋book咗12点食lunch , 入到餐厅𥚃面，环境十分清静与优雅，枱与枱之间嘅距离分得好开，十分注重客人嘅私隐。而且餐厅安排左一个靠窗嘅梳化位俾我哋，可以望住个海景，视觉上十分享受! 欣赏完咁靓嘅海景之后，我再细看餐牌，原来选择好多，最尾我选择咗一个三色丼。大概等咗5分钟就上菜了。三色丼，顾名思义就系有三碗饭，三碗饭分别系角切鱼生饭、葱吞拿鱼腩饭同埋鳗鱼饭。角切鱼生饭里面有油甘鱼、金目鲷、三文鱼子、吞拿鱼、深海池鱼五款鱼生，十分丰富。鱼生都好新鲜，加上切粒，捞埋D饭好有囗感吖葱拿鱼腩饭加入咗葱白、黄萝卜碎，味道鲜甜爽囗，齿颊留香。鳗鱼饭里面的鳗鱼烧得十分香脆，而且鳗鱼够晒肥美。再配上鳗鱼汁，十分好送饭。而且服务态度10分好，值得再次光临！