漁火海鮮刺身火鍋

营业中

休息中

我真系好中意打边炉,同亲朋友出去食野,我耐唔耐就会提议去打边炉。第一次来「渔火」,呢间行高质路线。我地叫左壶茶,叫左老油鬼鬼呢款小食,系虾肉酿油条,食到香脆既油条,又食到啖啖虾肉,好弹牙。叫左招牌花胶响螺炖赤肉汤,佢地冇落味精,饮得出真材实料,只系饮个汤已系一大享受。食完汤,先食蔬菜。蔬菜拼盘,有小白菜,香菇,粟米等,粟米清甜。食左咁多菜再食肉,就冇咁济啦!叫左一份大既本地新鲜手切牛颈脊,份量都好多,食落甘香唔韧,肉质鲜嫩。泰式刺身虾好新鲜,点上特色泰式酱汁,口感一流。叫左一碟蚬,洗得好干净,放去汤到,一开口就食得,正呀!