王家沙 (已結業)

疯狂做完运动。一行4人就到咗依间餐厅食。拣完一大轮就落单。等咗廿分钟已经超肚饿。一样嘢都未上。一问之下原来漏入单所以有时真系唔好怕催惊遭加料。因为漏起上嚟真系会漏依间餐厅就系好例子。讲返正题。先嚟系冻酒鸡。鸡都吸收到清清酒香。都有好多旧。不错。跟住系担担面。个面都弹牙嘅。不过个担担汤就比较淡同稀。无乜花生酱香味(定依款系无㗎呢?!)。得少少肉碎。整体味道一般。再嚟系蟹粉小笼包。真系有啲黄色嘢流出嚟。都有少少蟹膏𠮶啲味。热辣辣食真系不错另外叫一个正常。都有好多汤汁。都很好味佢啲小笼包个皮都厚薄适中。夹上嚟都无穿。牛肉饼。个皮好厚。得微量牛肉。啲牛肉个味都麻麻哋。无乜汁然后到醋梅骨。好味个汁好浓。肉又唔会好靭。忍唔住叫咗碗白饭𩠌。份量都够。略嫌骨多肉少。食完肉要食返啲菜。奶油津白。本身已经好钟意依只菜。原来加咗奶油可以咁match。入口好creamy好滑。淡淡奶油味加埋菜嘅甜味真系好正整多个粢饭。正常粢饭咁。里面旧油炸鬼系脆嘅可能配啲湿嘢会好啲。最后叫咗个豆沙窝饼作结。个皮太厚。无限层皮微量豆沙。不过唔太甜。都ok嘅。总结可能系漏单搞到更肚饿关系。觉得啲嘢食味道都ok款式都多。份量都可以。