La Paloma

营业中

休息中

庆祝特别日子，就梗系揾间气氛优雅嘅餐厅食饭喇。系上环海旁影完相，就行左过黎西营盘呢边，系间评语唔错嘅#lapaloma  一尝西班牙菜，正正位于西营盘地铁站旁，唔洗周围揾车搭。酸汁腌带子配牛油果及香葱酱一字形排开带子刺身，口感丰富，一来唔觉有雪藏味，肉身软软淋，个底仲有牛油果蓉，味道较轻盈，唔会盖过带子嘅鲜甜味，味道酸酸地，一流前菜。慢煮烤乳猪配椰菜仔及蘑菇 钟意烧猪既必试!乳猪皮超香口，起肉起得好准确，猪皮脆如薯片，唔会觉得好硬，旧旧猪肉都好厚又juicy，食落好香好邪恶啊！牛颊肉配薯蓉佐长柄西兰花及蘑菇五大旧叠成座山咁，切开见到有粉红色，有少少惊生，但一入口，不得了，好淋，带点肉汁！牛味香浓，点埋伴随热辣辣薯蓉，就更加惹味！巴斯克焦香芝士蛋糕配杂莓雪芭话明庆祝，点可以唔叫个甜品食，咁不得不赞呢个cake真系好食既，大件得黎唔会太腻，饭后甜品黎讲一流。朱古力雪糕朱古力味都好香浓，但又唔会得个死甜。怕肥又想食甜品值得推荐！