Tropica

营业中

休息中

难得假日去到香港区，咁决定要到西营盘揾间Café Chill 下，最后揾到位于朝光街的Tripica。点解拣中呢间主因有两个，第一个系为左杯咖啡，店内有一咖啡师曾获「2017年香港虹吸式咖啡师大赛」亚军。而第二个原因系呢度虽然系一间舖，但其实系融合咖啡、鲜花与陶瓷的艺术气息，都几特别。一入到去，好似去左绿洲咁，周围都系植物花草，完全系进入左另一个世界，暂时可以忘忧，专注享受咖啡同美食。今次除左要试呢度的虹吸式咖啡外，仲拣左呢度出名的意粉同埋Sourdough Pizza。<Shrimp & Tomato Basil Spaghetti>意粉炒得唔错，除左香料同番茄外，仲加左黑椒，所以食得出有刺激味道。加上用洋葱去炒，味道更加惹味。虾好大只，煎得几香。<Sourdough Salami Pizza>本身之前都有食过用Sourdough做饼皮的Pizza，虽然呢度话系Signature，但因为之前都食过，所以唔会有过大期望。不过一上枱就颠覆左我对Sourdough Pizza的认知。原来佢真系用Sourdough Bread做为Pizza，面包部份外脆内软。