潮丸 (已結業)

放咗工，无无聊聊咁由太古行返筲箕湾！谂住当做下运动啦。行行吓见到专讲ufo嘅夏X星先生入咗间餐厅, 我同朋友就紧系跟入去睇下有咩食啦! 哈哈！其实系未食野又唔知食咩好就是但拣咗间啦。同朋友一人叫咗一个主食我要咗自家牛三鲜饭，睇落份量好少咁，但食落去又几好够饱！ 个味又好入味，三个𩠌之中，最好味系牛筋！ 入味够软...朋友就叫咗个差唔多嘅...不过就多咗牛丸，呢个牛丸先系重点，老板话个个黎都会食牛丸！哗，佢地个牛丸又真系几弹牙，个味又唔会有外面食嘅味精味或加咗好多香料咁！推介推介！另外仲叫咗两个小食，一客炸云吞，一客炸鱼皮。炸云吞价钱系贵咗少少，不过我觉得超值，粒粒都系包满咗虾肉！ 贵得黎都抵。食嘅其中途，我地都见到不少人入黎买牛丸！可惜，无哂货！ 下次要买就要打定落去订喇。