正潮樓

营业中

休息中

铜锣湾正潮楼 呢一间新店主打潮式海鲜为主(包括鱼翅、海参、鲍鱼、燕窝等名贵食材)，场面墟冚另外仲有呈现传统潮州菜肴，系一间古色古香既潮州菜馆🍲鹅片：我哋都几钟意食卤水嘢呢个卤水鹅片就比较瘦 所以啖啖都系肉 而且好入味隔离啲花生都好腍甜汕头煎蚝烙：因为呢个蚝饼系煎出嚟嘅，所以有别于一般炸出嚟嘅蚝饼，呢个就变得冇咁油腻，食多几块都冇罪恶感再加上蚝仔嘅份量都几多 而且好大粒所以口感真系十足 点少少汁就更加惹味梅汁焗猪手，猪手焗到好腍甜，肥瘦均等，食到骨胶原嘅滋味另外啲肉都好入味，配合饭食就啱啱好芋头炒香饭：呢个系传统嘅潮州菜，系用个煲上嘅，饭炒得粒粒分明，仲有一粒粒嘅芋头同埋香葱