小草屋潮家菜 (已結業)

我哋三个嚟宝琳买嘢，首先医咗肚先，原本谂住散叫，但老公话想试多几款𩠌，所以就拣咗buffet嘞。先嚟个乳鸽和红烧鲍参翅肚。乳鸽细细只，但几好味又有D脆tim。个就一般啦。我哋order 咗两round，潮家蚝烙，少少脆，中间有D烟韧，口感唔错，几好味㖞。川椒鸡有川椒味，味道OK，炸双枣都唔错，可惜冇桔汁啦。方鱼肉碎粥就麻麻哋，粥底唔好味。XO翠玉瓜炒凤虾，冇乜XO酱味，淡咗少少，虾都几爽口。榄菜四季豆几好味，菠萝咕噜肉都好味，有少少脆，个甜酸汁又好味道。荔香鸭油吃咗D，味道OK嘅。椒盬鱿鱼须十分油又冇味，卤水拼盘更差，有红肠﹐猪耳、卤肉、卤蛋、豆腐及鹅皮(无肉)，鹅皮只得两片，但太肥嘞，豆腐仲有少少酸，卤蛋得咸味，全碟只有猪耳OK咋。大人-$108，小童-$78，Buffet 食物质素一般，下次都喺散叫喇。