潮城潮汕火鍋

营业中

休息中

今日去咗旺角食潮汕风味嘅单点火锅店，比较特别系佢哋嘅潮汕特色牛肉同狮头鹅，牛肉非常讲究可以食唔同嘅位置。我哋叫咗牛骨汤底$68，呢个价钱以单点火锅嚟讲算系几平，汤底有萝卜同粟米，味道清甜，唔会太浓但又有层次感。牛肉类方面，匙柄$78柔嫩Q弹，口感非常好，嫩肉$68系纯瘦低脂，食落清爽又健康。仲叫咗蒙古羊肉片$68，羊肉薄切，入口未有太重嘅膻味，算系唔错。配菜方面，油麦菜$23新鲜爽口，炸潮州鱼蛋$33可以即食，外层脆脆地，内里鱼香味浓郁，几有特色。猪肉粟米饺$33馅料饱满，粟米带少少甜味。狮头鹅肉丸$33就系潮汕嘅招牌，弹牙有肉香。