潮藝館

营业中

休息中

晚上到访呢间餐厅，本身以为系食西餐，唔讲唔知原来主打潮州菜，一入到去就见到个酒吧枱，够晒新派。我哋好夜去都爆满，果然好出名。Menu上有好多款式，我最钟意系蚝仔肉碎泡饭，好清好好味，蚝仔唔细，搭配肉碎同鱼干，饭粒粒分明，一碗嘅份量都唔细。另外一款比较影响深刻嘅系金砖豆腐，一口一粒，外层个皮炸至金黄酥脆，豆腐滑嘟嘟，唔洗点咬就食到，大人小朋友都会钟意。而餐厅嘅招牌当然唔少得狮头鹅件，味道不错，但肉质唔算好嫩，胜在卤得够入味，算系咁啦。最后要埋个桂花糕，竟然完全唔甜，好难得，fit晒。