潮盛館

营业中

休息中

耐唔耐会去新蒲岗揾嘢食，今次揾咗Mikiki商场隔离既越秀广场街舖潮州菜馆-王朝潮盛馆食嘢，原来除了潮州卤水之外，还有一些经典粤菜。炸子鸡（半色），即叫即炸，绝对热辣辣，炸得皮簿又脆而鸡肉嫩滑，好好食，推荐。牛奶卷，炸到金黄色，卖相好掂，入口外脆内软，唔油腻，好好味。潮盛小炒王，同其他餐厅煮既小炒王不一样，哩度用咗芋头切细条再炸脆，加埋腰果、虾干、炸鱼仔、鲜鱿鱼等一齐炒，几有新意，份量都够大，味道都唔错，如果送酒真系一流。红烧翅，好多年无食喇，贪得意又食下，有翅块，伴有好多银牙，增加口感，几清甜。室内装修非常干净，环境好好又光猛，坐得好舒适阔落，墙上有一幅大型中国古代山水壁画，食物份量也多，价钱合理。