潮藝館

营业中

休息中

好耐冇食潮州野，今次朋友带我黎到呢间潮州菜餐厅，餐厅系一间较摩登的中菜馆，餐单上有多款不同的菜式可供选择。潮式炒面线，面线用上爽口的虾仁、弹牙的鱿鱼、猪肉丝等，面线唔会好油，炒得干身，清清地食唔错。碧绿川椒鸡，朋友一向都好喜欢食呢个菜式，而呢道整的川椒鸡，味道浓郁惹味，配上脆卜卜带有咸香的珍珠叶，口感同味道都好正。潮式鱼汤浸时蔬，鲜甜的鱼汤，配上清甜爽脆的白菜仔，还配搭虫草花和菇，估唔到咁好味。最后仲食左朋友最爱的潮州糖水-绿豆边清心丸，糖水里面有大量绿豆边，味道唔会好甜，加上烟烟韧韧，形状系水滴型的清心丸，口感丰富。