影片
更多
2022-08-14
23 浏览
📍乐 𝐓𝐞𝐩𝐩𝐚𝐧𝐲𝐚𝐤𝐢 - #YFF佐敦 💎【鲜味十足‼️ 足料十八层海胆杯🇯🇵 极饱肚抵食铁板烧】月头出粮心痒痒想食餐好啲嘅奖励下自己，喺ig见到唔少人大推呢间高质丰富嘅铁板烧omakase，主打各种以日本直送食材炮制嘅创意烧物，估唔到真系丰富到捧住个肚走😋 ❝十八层海胆杯Omakase❞ — $1388⧐ 季节沙律 - 薯仔沙律、沙葛沙律⧐ 是日前菜 - 樱花虾玉子烧⧐ 招牌菜式 - 十八层海胆杯卖相超吸睛，用咗一个长身嘅高脚玻璃杯装住，各式材料层层分明。海胆采用时令当造嘅北海道紫海胆，新鲜甘甜，完全冇腥味。各层层放上来自日本的各种新鲜用料，包括来自冲绳嘅海葡萄、北海道嘅粒贝及松叶蟹肉，以及烧白饭鱼脆片、帆立贝、樱花鱿鱼等。店员建议我地将海胆杯倒落碟到拌匀食用，入口柔腻，各种食材喺口中鲜味爆发。⧐ 招牌菜式 - 火焰海胆甲罗烧 ($298)喺传统甲罗烧上加上新鲜日本产海胆，并喺火焰中登场，吸睛力十足🤩 日本松叶蟹肉鲜嫩甜美，混合浓郁蟹膏，表面放上三文鱼籽、海葡萄同埋黑鱼籽，鲜味突出滋味十足。⧐ 季节海鲜 - 活龙虾 (+$150)餐厅选用原只新鲜澳洲龙虾🦞 临煮前仲好生猛跳跳紥！
【鲜味十足‼️ 足料十八层海胆杯🇯🇵 极饱肚抵食铁板烧】
月头出粮心痒痒想食餐好啲嘅奖励下自己，喺ig见到唔少人大推呢间高质丰富嘅铁板烧omakase，主打各种以日本直送食材炮制嘅创意烧物，估唔到真系丰富到捧住个肚走😋
❝十八层海胆杯Omakase❞ — $1388
⧐ 季节沙律 - 薯仔沙律、沙葛沙律
⧐ 是日前菜 - 樱花虾玉子烧
⧐ 招牌菜式 - 十八层海胆杯
卖相超吸睛，用咗一个长身嘅高脚玻璃杯装住，各式材料层层分明。海胆采用时令当造嘅北海道紫海胆，新鲜甘甜，完全冇腥味。各层层放上来自日本的各种新鲜用料，包括来自冲绳嘅海葡萄、北海道嘅粒贝及松叶蟹肉，以及烧白饭鱼脆片、帆立贝、樱花鱿鱼等。店员建议我地将海胆杯倒落碟到拌匀食用，入口柔腻，各种食材喺口中鲜味爆发。
⧐ 招牌菜式 - 火焰海胆甲罗烧 ($298)
喺传统甲罗烧上加上新鲜日本产海胆，并喺火焰中登场，吸睛力十足🤩 日本松叶蟹肉鲜嫩甜美，混合浓郁蟹膏，表面放上三文鱼籽、海葡萄同埋黑鱼籽，鲜味突出滋味十足。
⧐ 季节海鲜 - 活龙虾 (+$150)
餐厅选用原只新鲜澳洲龙虾🦞 临煮前仲好生猛跳跳紥！师傅推介龙虾二食，第一个做法系海胆酱芝士焗龙虾，舖上自家制海胆酱同埋拉丝芝士烤焗，虾肉鲜嫩弹牙，芝味十足(⁎⁍̴̛ᴗ⁍̴̛⁎) 另一个做法就系以龙虾膏海胆牛油酱爆炒龙虾，龙虾肉吸收晒龙虾膏精华，食落鲜味浓郁，惹味中带鲜甜。两个做法都偏浓味，啱晒重口味嘅朋友🤤
⧐ 季节海鲜 - 柚子生蚝
呢道菜用上日本广岛生蚝，蚝肉饱满，蚝味浓郁。师傅先将广岛蚝两边煎至金黄，以留住蚝肉鲜味，亦能保持肉质爽脆幼滑。上碟前再淋上自家制蜜糖柚子酱，食落香甜开胃，简单果香带出广岛蚝嘅甘香。
⧐ 季节海鲜 - 脆皮煎鳗鱼
平时食开嘅鳗鱼做法都系蒲烧，铁板香煎真系第一次试～ 师傅会将鳗鱼皮同肉分开处理，并以慢火煎30分钟以上。呢个做法嘅可以将鱼皮煎至香脆可口，鱼肉亦能保持厚实肥美，肉质食落嫩滑弹牙又多汁。
⧐ 日本十胜黑豚厚烧 配 白桃分子料理
选用来自北海道十胜数量矜贵嘅黑豚猪，更特别选用梅头肉部位，肉质松软。用铁板烧过后浓郁肉香扑鼻而出，肥瘦均匀的油脂分布带来弹牙肉感。
⧐ 季节野菜
包括棉花糖甜番薯、芝士酱粟米芯、西京烧茄子、盐烧芦笋、南瓜、车厘茄。其中最特别系棉花糖甜番薯，估唔到两者系咁夹，好似食紧甜品咁😍
⧐ 厨师创作菜式 - 兰王蛋椰菜花炒饭
炒饭用咗日本棚田米作为饭底，特性系粘性强，质地松软。师傅炒饭前先将蛋汁与白饭拌匀，每粒饭都被蛋汁完美包里，望落金黄剔透，而且干身饱满，非常有咬口。师傅炒饭时只会轻轻翻炒，以免破坏米粒完整度，所以保持到炒饭粒粒分明，食落非常松软。另外加入左椰菜花碎，增加口感之余仲健康啲添😋表面再加入一只兰王荷包蛋，蛋黄色泽光亮，蛋香非常浓郁。
⧐ 吸物 - 特色纸包花胶羊肚菌蚬汤
呢个汤非常真材实料，以龙虾壳、花胶同埋蚬熬煮，再加入时令蔬菜，提升晒成个汤嘅鲜甜层次。最得意嘅系师傅用咗耐高温玻璃纸黎密封烹煮，呢个做法可以大大减少食材中矿物质同埋维他命嘅流失，同时仲可以充分地将花胶同埋海鲜嘅鲜味完美融合埋一齐👍🏻
⧐ 甜品 - 海胆雪糕
海胆味嘅雪糕真系第一次食，入口好creamy，估唔到真系食到有海胆蓉，好有惊喜！海胆同埋蟹子嘅鲜甜混合爆炸糖嘅甜味，味道有层次，口感超得意😜
张贴
