憶食尚臘味煲仔飯

营业中

休息中

有冇人同我一樣，要食粥粉麵飯先開心？如果你都係嘅話，不妨去試吓憶食尚臘味煲仔飯。餐廳枱同枱之間都幾有私隱度，座位舒適。廣式臘味煲仔飯（$177）：有臘肉，油鴨同臘腸。即叫即做，熱辣辣香噴噴咁上枱。職員仲會喺你面前加埋豉油同芫荽蔥（會問咗你食唔食芫荽蔥先）。飯焦唔係黑色嗰啲，而係脆脆金黃色嘅。甜蜜咕嚕肉（$127）：個芡汁調教得幾好，甜甜酸酸咁幾開胃。芡汁仲有拉絲嘅效果。娃娃菜（$87): 呢個娃娃菜係用上湯整嘅，上湯入邊加咗菜譜同蝦米，令到原來普普通通嘅上湯娃娃菜，增加咗味道層次。唔錯。士多啤梨特飲（$39x2杯）：夏天真係想飲返杯凍嘢飲，呢杯士多啤梨特飲外型好得意，啱晒打卡。