影片
更多
2023-01-26
3479 浏览
衬农历新年放假去咗启德海滨散步，我哋预先揾定餐厅食晚饭。九龙湾新商厦Quayside海滨汇入面有间餐厅叫「Flames」，除咗有营业之余，网上订枱同样可享折扣优惠🈹。佢位置唔太近地铁站，附近又无乜嘢行，但无阻餐厅人气，全场九成满👏。呢度环境装修随意唔拘束，但略嫌灯光偏暗。12安士美国安格斯西冷扒($298)，🥩牛扒系用最简单嘅方法煎香，以原始、原汁、原味嘅状态呈现于客人面前。牛扒本身质素唔差，而我最欣赏嘅就系佢够厚，咁样食落先够口感。生熟度如我要求嘅五成，肉身呈粉红色，但肉质比想像中韧少少。餐牌写伴菜系薯蓉，不过出到嚟转咗烧蔬菜🥦，有新薯、红萝卜、西兰花同椰菜花。烧大虾三文鱼籽龙虾汁扁意粉($148)，🍝扁意粉质感富嚼劲，兼且挂汁，但如果份量多啲就好喇。龙虾汁虽然唔算杰身，不过都几够味，再加埋爆浆三文鱼籽，更添咸香。🦐烧大虾既大只、又新鲜，口感弹牙，并且带烧烤嘅风味。巴马臣芝士香烧粟米($48)，🌽烧粟米香甜多汁，配上巴马臣芝士份外惹味。不过落单时记得要讲清楚你系嗌沙律定伴菜Sides，因为英文菜名系一样，避免误会嘛。总括嚟讲，Flames系澳洲风西餐厅🇦🇺，菜式大众化，相信总有一样啱
衬农历新年放假去咗启德海滨散步，我哋预先揾定餐厅食晚饭。九龙湾新商厦Quayside海滨汇入面有间餐厅叫「Flames」，除咗有营业之余，网上订枱同样可享折扣优惠🈹。
佢位置唔太近地铁站，附近又无乜嘢行，但无阻餐厅人气，全场九成满👏。呢度环境装修随意唔拘束，但略嫌灯光偏暗。
12安士美国安格斯西冷扒($298)，🥩牛扒系用最简单嘅方法煎香，以原始、原汁、原味嘅状态呈现于客人面前。牛扒本身质素唔差，而我最欣赏嘅就系佢够厚，咁样食落先够口感。生熟度如我要求嘅五成，肉身呈粉红色，但肉质比想像中韧少少。餐牌写伴菜系薯蓉，不过出到嚟转咗烧蔬菜🥦，有新薯、红萝卜、西兰花同椰菜花。
烧大虾三文鱼籽龙虾汁扁意粉($148)，🍝扁意粉质感富嚼劲，兼且挂汁，但如果份量多啲就好喇。龙虾汁虽然唔算杰身，不过都几够味，再加埋爆浆三文鱼籽，更添咸香。🦐烧大虾既大只、又新鲜，口感弹牙，并且带烧烤嘅风味。
巴马臣芝士香烧粟米($48)，🌽烧粟米香甜多汁，配上巴马臣芝士份外惹味。不过落单时记得要讲清楚你系嗌沙律定伴菜Sides，因为英文菜名系一样，避免误会嘛。
总括嚟讲，Flames系澳洲风西餐厅🇦🇺，菜式大众化，相信总有一样啱食。听闻霹雳烤鸡系佢嘅招牌，有机会都想试吓。
张贴
